ଗ୍ୟାସ୍ ସିଲିଣ୍ଡର ବ୍ଲାଷ୍ଟ : ୫ ଘର ଭୁଶୁଡ଼ିଲା
ମୁମ୍ବାଇର ଚେମ୍ବୁର ସ୍ଥିତ କ୍ୟାମ୍ପ ଅଞ୍ଚଳରେ ଗ୍ୟାସ୍ ସିଲିଣ୍ଡର ବିସ୍ଫୋରଣ ହୋଇଥିଲେ। ବିସ୍ଫୋରଣରେ ୫ଟି ଘର ଭୁଶୁଡି ନଷ୍ଟ ହୋଇଯାଇଛି। ଚାରି ପରିବାର ବ୍ୟାପକ ଭାବେ କ୍ଷତିଗ୍ରସ୍ତ ହୋଇଛନ୍ତି। ଫଳରେ ୨୦ରୁ ଅଧିକ ଲୋକେ ଏହି ଭଗ୍ନାଂଶ ତଳେ ଦବି ଯାଇଥିଲେ। ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ୧୧ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରିଛି। ସେମାନଙ୍କୁ ତୁରନ୍ତ ହସ୍ପିଟାଲକୁ ପଠାଯାଇଛି। ସମସ୍ତ ଆହତଙ୍କ ଚିକିତ୍ସା ବର୍ତ୍ତମାନ ସତବଦୀ ହସ୍ପିଟାଲରେ ଚାଲିଛି। ମାତ୍ର ବିସ୍ଫୋରଣର କାରଣ ଏବେବି ଅସ୍ପଷ୍ଟ ରହିଛି।
ଭଗ୍ନାଂଶ ତଳେ ଆହୁରି ଅନେକ ଲୋକେ ଦବି ରହିଥିବା ଆଶଙ୍କା କରାଯାଉଛି। ସେମାନଙ୍କୁ ବାହାରକୁ ଆଣିବା ପାଇଁ ଉଦ୍ଧାର କାର୍ଯ୍ୟ ଜାରି ରହିଛି। ତେବେ ଏଥିରେ କାହାର ମୃତ ହୋଇନାହିଁ ବୋଲି ବ୍ରୁହାନ ମୁମ୍ବାଇ ତରଫରୁ ସୂଚନା ମିଳିଛି।
Powered by Froala Editor
