ଦରଦାମ ଯେଉଁଭଳି ବଢୁଛି ସାଧାରଣ ଲୋକର ମେରୁଦଣ୍ଡ ଭାଙ୍ଗି ଦେଉଛି । ଏପଟେ ଚାଷୀ ବି ନାଚାର । ଉତ୍ପାଦିତ ଜିନିଷର ସଠିକ୍ ମୂଲ୍ୟ ନପାଇଲେ ହାରାଶ ହୋଇଯାଉଛି । ହେଲେ ଏମିତି ବି ପରିବା ଅଛି ଯାହା ବିଶ୍ୱର ସବୁଠାରୁ ଦାମୀ । କିଲୋ ଏକ ଲକ୍ଷ ଟଙ୍କାରେ ବିକ୍ରି ହେଉଛି ଏବଂ ଏହାକୁ ବି ଲୋକ କିଣନ୍ତି । ଜାଣିଲେ ଆଶ୍ଚର୍ଯ୍ୟ ଲାଗୁଛି ନା! କିନ୍ତୁ ଏହା ସତ । ଏହି ପରିବାର ବୈଜ୍ଞାନିକ ନାଁ ହ୍ୟୁମୁଲାସ୍ ଲୁପୁଲାସ । 

ସାରା ବିଶ୍ୱ  ପାଖରେ ଏହି ଗଛଟିର ଅବଶ୍ୟ ଭିନ୍ନ ଏକ ପରିଚୟ ରହିଛି । ଭାରତରେ ଏହି ପରିବା ଚାଷ କରାଯାଏ ନାହିଁ । ୟୁରୋପ ଏବଂ ଆମେରିକାରେ ଏହି ପରିବା ପ୍ରଚୁର ମାତ୍ରାରେ ଉତ୍ପାଦନ କରାଯାଏ । ହ୍ୟୁମୁଲାସ ଲୁପୁଲାସ ଏକ ବହୁବର୍ଷଜୀବୀ ଉଦ୍ଭିଦ । କିଛି ଦିନ ତଳେ ବିହାରର ଜୈନିକ ବ୍ୟକ୍ତି ତାଙ୍କ ଜମିରେ ଏହି ପରିବା ଚାଷ ଆରମ୍ଭ କରିଛନ୍ତି । ଜଣେ ଆଇଏଏସ୍ ଅଧିକାରୀ ପରିବାର ଫଟୋ ସହ ଏହାର ମୂଲ୍ୟ ବିଷୟରେ ଉଲ୍ଲେଖ କରିବା ପରେ ଏହା ଏବେ ଚର୍ଚ୍ଚାରେ । ବିହାରର ସେହି ବ୍ୟକ୍ତିଙ୍କ ନାଁ ଅମରେଶ ସିଂହ । ଭାରତରେ ସେ ହିଁ ପ୍ରଥମେ ଏହି ପରିବା ଚାଷ କରିଛନ୍ତି ।ପରିବାଟିକୁ କୁହାଯାଉଛି ହପ୍ ସୁଟସ୍ । ବିହାରର େଔରାଙ୍ଗାବାଦରେ ଅଢେଇ ଲକ୍ଷ ଟଙ୍କା ବିନିଯୋଗ କରି ୫ଏକର ଜମିରେ ସେ ହପ୍ ସୁଟସ୍ ଚାଷ କରିଛନ୍ତି । ହପ୍ ସୁଟସ୍ ଦେଖିବାକୁ ଅନକାଂଶରେ । ଆସ୍ପାରଗସ୍ ପରି । ଖାଇବାକୁ ମଧ୍ୟ ଆସ୍ପାରଗସ୍ ଭଳି । ଆସ୍ପାରଗସ୍ ଯେଉଁପରି ରୋଷେଇ କରାଯାଏ ହପ୍ ସୁଟସ୍ କୁ ମଧ୍ୟ ସେହିପରି ରନ୍ଧାଯାଇ ପାରିବ । ଏହା ବ୍ୟତୀତ ହପ୍ ସୁଟସ୍‌ର ଆହୁରି ମଧ୍ୟ ଅନେକ ବ୍ୟବହାର ରହିଛି ।ଏହି ଗଛର ଫୁଲ ହପ୍ ନାମରେ ପରିଚିତ ।ଏହି ଫୁଲରୁ ବିୟର ପ୍ରସ୍ତୁତ ହୋଇଥାଏ ।କୈାଣସି ପାନୀୟରେ ସୁଗନ୍ଧି ମିଶାଇବା କାମରେ ମଧ୍ୟ ଏହି ଫୁଲର ବ୍ୟବହାର କରାଯାଥାଏ । ହପ୍ ଫୁଲରୁ ପ୍ରସ୍ତୁତ ବିୟର ନଷ୍ଟ ହୁଏ ନାହିଁ ମୁଖ୍ୟତଃ ସୁସ୍ୱାଦୁ ପାନୀୟ ତିଆରିରେ ହପ୍ ସୁଟସ୍ ର ବ୍ୟବହାର ଏହାକୁ ସାରା ବିଶ୍ୱରେ ଲୋକପ୍ରିୟ କରିପାରିଥିଲା । ଧୀରେଧୀରେ ଏହାର ଔଷଧୀୟ ଗୁଣ ଲୋକଲୋଚନକୁ ଆସିଲା । 

ପ୍ରଥମେ ଏହି ପରିବା ଜର୍ମାନୀରେ ଚାଷ କରାଗଲା । ପରବତ୍ତୀ ସମୟରେ ହପ୍ ସୁଟସ୍  ଆହୁରି ଅନେକ ଔଷଧୀୟ ଗୁଣ କଥା ସମସ୍ତେ ଜାଣିବାକୁ ପାଇଲେ । ହପ୍ ସୁଟସର ଏକ ସ୍ୱତନ୍ତ୍ର ଆଣ୍ଟବ୍ୟାକ୍ଟେରିଆଲ୍ ଗୁଣ ରହିଛି । ଟ୍ୟୁବରକ୍ୟୁଲୋସିସ୍ ,କ୍ୟାନସ୍ ଭଳି ରୋଗର ଚିକିତ୍ସାରେ ବ୍ୟବହୃତଔଷଧ ତିଆରିରେ ହପ୍ ସୁଟସ୍ ବ୍ୟବହାର କରାଯାଉଛି । ଏଥିପାଇଁ ହପ୍ ସୁଟସ୍‌ର ଦରମ ଆକାଶଛୁଆଁ କୁ଼ୁହାଯାଉଛି ହପ୍ ସୁଟସ୍‌ରେ ଥିବା ଏକ ପ୍ରକାର ଆମୋନି ଏସିଡ୍ କ୍ୟାନସର ଆକ୍ରାନ୍ତ କୋଷ ଗୁଡିକୁ ମାରି ଦେଇଥାଏ । ଏନେଇ ଉଚ୍ଚତର ଗବେଷଣା ଚାଲିଛି । ଏହି ଗଛଟି ବୁଦାଳିଆ । ପୁଲଗୁଡିକ ସବୁଜ ରଙ୍ଗର ଏବଂ ଖୁବ୍ ନରମ । ଅତି ସାବଧାନରେ ତୋଳିବାକୁ ହୋଇଥାଏ କାରଣ ତୋଳିବା ବେଳେ ଫୁଲ ସାମାନ୍ୟ ନଷ୍ଟ ହେଲେ ତାହା ଆଉ ବିକ୍ରୟଯୋଗ୍ୟ ହୁଏ ନାହିଁ । ଏହି ଉଦ୍ଭିଦ ବିଷୟରେ ଜାଣିବାକୁ ବିଶେଷଜ୍ଞମାନେ ଆହୁରି ରିସର୍ଚ୍ଚ ଜାରି ରଖିଛନ୍ତି । 

Powered by Froala Editor