ମଣିପୁର ପୁଲିସ ଅଧିକାରୀଙ୍କୁ ଗୁଳିମାଡ଼ କରି ହତ୍ୟା
![ମଣିପୁର ପୁଲିସ ଅଧିକାରୀଙ୍କୁ ଗୁଳିମାଡ଼ କରି ହତ୍ୟା](https://odishanewslens.com/news_gallery/25591_1698775239.jpg)
ମଣିପୁରର ଜଣେ ପୁଲିସ୍ ଅଧିକାରୀଙ୍କୁ ସନ୍ଦିଗ୍ଧ ଉଗ୍ରବାଦୀମାନେ ମୋରେହ ସ୍ଥିତ ନିର୍ମାଣଧୀନ ହେଲିପ୍ୟାଡରେ ଗୁଳି କରି ହତ୍ୟା କରିଛନ୍ତି। ହେଲିପ୍ୟାଡ୍ ନିର୍ମାଣ କାର୍ଯ୍ୟର ତଦାରଖ କରୁଥିବା ବେଳେ ସନ୍ଦିଗ୍ଧ ବିଦ୍ରୋହୀମାନେ ପୁଲିସ ଅଧିକାରୀଙ୍କୁ ଗୁଳି କରିଛନ୍ତି।
ଗୁଳିମାଡ଼ରେ ପ୍ରାଣ ହରାଇଥିବା ଅଧିକାରୀ ଜଣଙ୍କ ହେଲେ ଏସ୍ଡିପିଓ ଚିଙ୍ଗଥାମ ଆନନ୍ଦ। ତାଙ୍କୁ ଘଟଣା ପରେ ତୁରନ୍ତ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ଆନନ୍ଦଙ୍କ ଶରୀରରେ ଥିବା କ୍ଷତି ଚିହ୍ନରୁ ଜଣାପଡ଼ୁଛି ଯେ ତାଙ୍କ ଉପରକୁ ବଡ଼ ଧରଣର କାଲିବର ମାର୍କସମାନ କିମ୍ବା ସ୍ନିପର ରାଇଫଲରୁ ଗୁଳି ମାଡ଼ କରାଯାଇଛି।
ମୋରେହର ଜଣେ ପୁଲିସ ଅଧିକାରୀ କହିଛନ୍ତି ଯେ ଗୁଳିମାଡ଼ରୁ ଜଣାପଡୁଛି ଯେ ପୁଲିସ ଅଧିକାରୀଙ୍କୁ ବହୁତ ଦୂରରେ ଥିବା ଏକ ଗୁପ୍ତ ସ୍ଥାନରୁ ଏକ ବଡ଼ ଧରଣର ରାଇଫଲରେ ଗୁଳି କରାଯାଇଛି। ଯେଉଁ ସାଧାରଣ ଦିଗରୁ ଗୁଳି ମାଡ଼ ହୋଇଥିଲା, ସେଠାରେ ବେସାମରିକ ବସତି ଥିବାରୁ ପୁଲିସ ତୁରନ୍ତ ଏହାର ଜବାବ ଦେଇପାରି ନଥିଲା। ଏହାପରେ ସୁରକ୍ଷା ବାହିନୀ ଏହି ବିପଦକୁ ନିୟନ୍ତ୍ରଣ କରିବା ପାଇଁ ଉକ୍ତ ଅଞ୍ଚଳରେ ଅପରେସନ୍ ଆରମ୍ଭ କରିଥିଲା।
Powered by Froala Editor