ଭାଇରାଲ ହେଲା ଗୀତ ‘ଗର୍ବୋ’, ଜାଣନ୍ତୁ କାହିଁକି...
ନବରାତ୍ରୀରେ ଧୁମ ମଚାଇବାକୁ ପ୍ରସ୍ତୁତ ହେଉଛନ୍ତି ସମସ୍ତେ । ହେଲେ ତାପୂର୍ବରୁ ଆସିଛି ଏକ ଭିଡିଓ, ଯାହାକି ଭାଇରାଲ ହେବାରେ ଲାଗିଛି । ଏ ଭିଡିଓ ଓ ଗୀତର ବିଶେଷତ୍ୱ ହେଲା ଏହାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲେଖିଛନ୍ତି । ଗାଇଛନ୍ତି ପ୍ରସିଦ୍ଧ କଣ୍ଠଶିଳ୍ପୀ ଧାୱନୀ ଭାନୁଶାଲୀ ।
କିଛି ବର୍ଷ ତଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁଜରାଟୀ ନୃତ୍ୟ ଗରବାକୁ ନେଇ ଏକ ଗୀତ ଲେଖିଥିଲେ। ଏବେ ଏହାକୁ ମ୍ୟୁଜିକ୍ ଭିଡିଓର ରୂପ ଦିଆଯାଇଛି। ଗୀତକୁ ଲୋକପ୍ରିୟ କଣ୍ଠଶିଳ୍ପୀ ଧାୱନୀ ଭାନୁଶାଲୀ ଗାଇଥିବା ବେଳେ ସ୍ବର ସଂଯୋଜନା କରିଛନ୍ତି ତନିସ୍କ ବାଗଚୀ। ଗୀତର ଟାଇଟେଲ ‘ଗରବୋ’ ରହିଥିବା ବେଳେ ଅଭିନେତା-ନିର୍ମାତା ଜ୍ୟାକି ଭଗନାନୀଙ୍କ ଦ୍ୱାରା ପ୍ରତିଷ୍ଠିତ ଜେଜଷ୍ଟ ମ୍ୟୁଜିକ୍ ବ୍ୟାନରରେ ଏହା ମୁକ୍ତିଲାଭ କରିଛି। ଗରବାର ଏହି ସୁନ୍ଦର ଉପସ୍ଥାପନା ପାଇଁ ଧାୱନୀ, ତନିସ୍କ ବାଗଚୀ ଏବଂ ଜେଜଷ୍ଟ ମ୍ୟୁଜିକ୍ ଙ୍କୁ ଧନ୍ୟବାଦ ଦେଇଛନ୍ତି ପ୍ରଧାନମନ୍ତ୍ରୀ।
Powered by Froala Editor
