ମୁହାଁମୁହିଁ ବିଜେପି-ବିଜେଡି: ୪ଟା ଯାଏଁ ବିଧାନସଭା ମୁଲତବୀ
ଭୁବନେଶ୍ୱର : ବିଧାନସଭା ପ୍ରଶ୍ନକାଳ ଆରମ୍ଭରୁ ହଙ୍ଗମା । ମୁହାଁମୁହିଁ ବିଜେପି-ବିଜେଡି । ଗୃହ ମଧ୍ୟ ଭାଗରେ ବିଜେପି ସଦସ୍ୟମାନେ ହୋହଲା କରିଥିବା ବେଳେ ବିଜେଡି ସଦସ୍ୟମାନେ ନିଜ ନିଜ ଆସନରେ ପ୍ରତିବାଦ କରିଥିଲେ ।
୫-ଟି ସଚିବଙ୍କ ଜିଲ୍ଲା ଗସ୍ତକୁ ନେଇ ବିଧାୟକ ମାନେ ପଚାରିଥିବା ପ୍ରଶ୍ନକୁ ଗ୍ରହଣ ନକରିବା ଏବଂ ମନ୍ତ୍ରୀ ବଡ଼ ନା ସଚିବ ବଡ଼ ନେଇ ବିଜେପି ଆଣିଥିବା ମୁଲତବୀ ବାଚସ୍ପତି ଗ୍ରହଣ କରିନଥିବାରୁ ସେମାନେ ପ୍ରତିବାଦ କରିଥିଲେ । ସେପଟେ ଜାତୀୟ ରାଜପଥ ପ୍ରକଳ୍ପ ପ୍ରସଙ୍ଗ ନେଇ ବିଜେଡି ବି ଗର୍ଜିଥିଲା । ବାଚସ୍ପତି ଦିନ ସାଢେ ଏଗାରଟା ପର୍ୟ୍ୟନ୍ତ ଗୃହକୁ ମୁଲତବୀ କରିଥିଲେ । ପରେ ପୁଣିଥରେ ଆରମ୍ଭ ହୋଇଥିଲା ଗୃହକାର୍ୟ୍ୟ ।
ଏ ପ୍ରସଙ୍ଗରେ ଗୃହରେ ବିବୃତ୍ତି ରଖିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।ସେପଟେ ମୁଖ୍ୟମନ୍ତ୍ରୀଙ୍କ ବିବୃତ୍ତି ପରେ ଗୃହରେ ଆରମ୍ଭ ହୋଇଥିଲା ହୋ ହଲ୍ଲା ଓ ହଟ୍ଟଗୋଳ । ଫଳରେ ସ୍ଥିତି ଏମିତି ହୋଇଥିଲା ଯେ, ପୁଣି ମୁଲତବୀ ହୋଇଥିଲା ଗୃହ । ଅପରାହ୍ନ ୪ଟା ଯାଏଁ ବିଧାନସଭାକୁ ମୁଲତବୀ କରିଥିଲେ ବାଚସ୍ପତି ।
Powered by Froala Editor
