ଶାନ୍ତିଲତା ଅସୁସ୍ଥ, ଆରୋଗ୍ୟ କାମନା କଲେ ଲୋକେ
ଓଡ଼ିଶାର ଶ୍ରୋତାଙ୍କ ହୃଦୟରେ ସ୍ବତନ୍ତ୍ର ସ୍ଥାନ ଅଧିକାର କରିଛନ୍ତି କଣ୍ଠଶିଳ୍ପୀ ଶାନ୍ତିଲତା ବାରିକ। ତାଙ୍କର ଭଜନ ସାରା ଓଡ଼ିଶାରେ ବେଶ୍ ଲୋକପ୍ରିୟତା । ତେବେ ତାଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି । ଓଡ଼ିଶାବାସୀ ଶାନ୍ତିଲତା ବାରିକଙ୍କ ଆରୋଗ୍ୟ କାମନା କରିଛନ୍ତି।
ସେ ଦୀର୍ଘଦିନ ଧରି କର୍କଟ ରୋଗରେ ପୀଡିତ ଥିଲେ ଓ ଚିକିତ୍ସାଧୀନ ଥିଲେ। ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ଭୁବନେଶ୍ବରର ଏକ ଘରୋଇ ହସ୍ପିଟାଲରେ ତାଙ୍କୁ ଭର୍ତ୍ତି କରାଯାଇଛି। ତେବେ କେତେକ ଗଣମାଧ୍ୟମରେ ଶ୍ରୀମତୀ ବାରିକଙ୍କ ଦେହାନ୍ତ ଖବର ପ୍ରସାରିତ ହେଉଥିବା ନେଇ ଲୋକଙ୍କ ମଧ୍ୟରେ ସନ୍ଦେହ ସୃଷ୍ଟି ହେଉ ଥିବାରୁ ଏବେ ସେ ଅତ୍ୟନ୍ତ ଗୁରୁତର ଅବସ୍ଥାରେ ଭେଣ୍ଟିଲେଟରରେ ରହିଥିବା ସୂଚନା ମିଳିଛି। ତାଙ୍କୁ ନେଇ ଗୁଜବ ସୃଷ୍ଟି ନକରିବାକୁ ସେ ଅନୁରୋଧ କରିଛନ୍ତି ।
Powered by Froala Editor
