କାମ ସାରି ତଳକୁ ଆସୁଥିଲେ ଶ୍ରମିକ, ଛିଣ୍ଡି ପଡିଲା ଲିଫ୍ଟ : ୭ ମୃତ
ମହାରାଷ୍ଟ୍ରର ଥାଣେ ଅନ୍ତର୍ଗତ ବାଲକୁମ ପଡ଼ାରେ ଥିବା ଗୋଟିଏ ୪୦ ମହଲା ବିଶିଷ୍ଟ ବିଲଡିଂରେ ଲାଗିଥିବା ଲିଫ୍ଟ ହଠାତ୍ ଭୁଶୁଡ଼ି ପଡ଼ିଛି। ରୁନୱାଲ ଇରିନେ ବିଲଡିଂରେ ଘଟିଥିବା ଏହି ଲିଫ୍ଟ ଟ୍ରାଜେଡିରେ ୭ ଜଣଙ୍କ ମୃତ୍ୟୁ ଘଟିଛି। ବାଲକମଠାରେ ଥିବା ଏହି ବହୁମହଲା କୋଠାର ଛାତ ଉପରେ ଓ୍ବାଟର ପ୍ରୁଫିଂ କାମ ଚାଲିଥିଲା। ଶ୍ରମିକମାନେ କାମ ସାରି ୪୦ ମହଲା କୋଠାରୁ ତଳକୁ ଓହ୍ଲାଇବା ବେଳେ ଏହି ଅଘଟଣ ଘଟିଥିଲା। ଏହି ଦୁର୍ଘଟଣାରେ ଆଉ କିଛି ଶ୍ରମିକ ଆହତ ହୋଇଛନ୍ତି ଓ କେତେକଙ୍କ ଅବସ୍ଥା ସଂକଟାପନ୍ନ ରହିଛି । ଦୁର୍ଘଟଣାରେ ମୃତକଙ୍କ ସଂଖ୍ୟା ବଢିବା ଆଶଙ୍କା କରାଯାଉଛି ।
ଲିଫ୍ଟ ଭୁଶୁଡ଼ି ପଡ଼ିଥିବା ଖବର ପାଇ ପୁଲିସ୍ ଓ ଅଗ୍ନିଶମ ବାହିନୀର କର୍ମଚାରୀମାନେ ତୁରନ୍ତ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ତ୍ୱାରାନ୍ୱିତ କରିଥିଲେ। ସେମାନେ ପ୍ରଥମେ କ୍ଷତିଗ୍ରସ୍ତ ଲିଫ୍ଟରେ ଫସି ରହିଥିବା ଲୋକମାନଙ୍କୁ ଉଦ୍ଧାର କରିଥିଲେ।
ଖବର ଲେଖା ହେବା ପର୍ଯ୍ୟନ୍ତ ଘଟଣାସ୍ଥଳରେ ଉଦ୍ଧାରକାର୍ଯ୍ୟ ଜାରି ରହିଛି । ଏଥିରେ ସ୍ଥାନୀୟ ଲୋକମାନେ ସହାୟତା କରୁଛନ୍ତି ।
Powered by Froala Editor
