ଏହିପରି ଆଖି ଦେଖାଯାଉଥିଲେ କରନ୍ତୁନି ଅଣଦେଖା, ହୋଇପାରେ ହୃଦୟ ରୋଗ
![ଏହିପରି ଆଖି ଦେଖାଯାଉଥିଲେ କରନ୍ତୁନି ଅଣଦେଖା, ହୋଇପାରେ ହୃଦୟ ରୋଗ](https://odishanewslens.com/news_gallery/23966_1693445154.jpg)
ଆମ ଶରୀରର ପ୍ରତ୍ୟେକ ଅଙ୍ଗ ପରସ୍ପର ସହ ଜଡିତ। ଗୋଟିଏରେ ସମସ୍ୟା ହେଲେ ଅନ୍ୟଟି ପ୍ରଭାବିତ ହେବା ସ୍ୱାଭାବିକ। ଯଦି କୌଣସି ଗୋଟିଏ ଅଙ୍ଗରେ ସମସ୍ୟା ଥାଏ, ତେବେ ଏହାର ପ୍ରଭାବ ଅନ୍ୟ ଅଙ୍ଗରେ ମଧ୍ୟ ଦେଖାଯିବା ଆରମ୍ଭ କରେ। ସେହିପରି ଭାବରେ, ଯଦି ଆମର କୌଣସି ହୃଦୟ ସମ୍ବନ୍ଧୀୟ ସମସ୍ୟା ହେବାର ଅଛି, ତେବେ ଏହାର ଲକ୍ଷଣ ଆମ ଆଖିରେ ଦେଖାଯାଇପାରେ। ଆଜ୍ଞା ହଁ, ଅନେକ ଗବେଷଣାରେ ଏହା ପ୍ରମାଣିତ ହୋଇଛି ଯେ, ଆଖିରେ ଦେଖାଯାଉଥିବା କିଛି ସମସ୍ୟା ସିଧାସଳଖ ହୃଦ୍ ରୋଗ ସହିତ ଜଡିତ, ଯାହାକୁ କେବେ ଅଣଦେଖା କରିବା ଉଚିତ୍ ନୁହେଁ। ସେଥିମଧ୍ୟରୁ କେତେକ ରୋଗ ବାବଦରେ ନିମ୍ନରେ ବର୍ଣ୍ଣନା କରାଯାଇଛି।
ରେଟିନାଲ୍ ଆର୍ଟେରୀ ଆକ୍ଲୁସିଅନ୍
ଆଖିରେ ରକ୍ତ ଯୋଗାଉଥିବା ରେଟିନା ଅବରୋଧ ହୋଇଗଲେ ରେଟିନାଲ୍ ଆର୍ଟେରୀ ଆକ୍ଲୁସିଅନ୍ ହୁଏ। ଏଭଳି ପରିସ୍ଥିତିରେ ଅନେକ ଥର ଦୃଷ୍ଟିଶକ୍ତି ସମ୍ପୂର୍ଣ୍ଣ ହ୍ରାସ ଘଟେ। ଏହି ସମସ୍ୟା ହେଲେ କରୋନାରୀ ଧମନୀରେ ଅବରୋଧ ହୋଇପାରେ ଯାହା ଦ୍ୱାରା ହୃଦୟକୁ ରକ୍ତ ସଞ୍ଚାଳନ ବାଧାପ୍ରାପ୍ତ ହୁଏ। ଫଳରେ ହୃଦୟଜନିତ ସମସ୍ୟା ଦେଖାଯାଏ।
ରେଟିନାଲ୍ ଭେନ୍ ଆକ୍ଲୁସିଅନ୍
ଆମ ଆଖି ସହିତ ଜଡିତ ରେଟିନାଲ୍ ଭେନ୍ ଆକ୍ଲୁସିଅନ୍ ସମସ୍ୟା ମଧ୍ୟ ହୃଦୟ ସମ୍ବନ୍ଧୀୟ ରୋଗକୁ ସୂଚିତ କରେ। ବାସ୍ତବରେ, ଆଖିରେ ରକ୍ତ ଜମାଟ ବାନ୍ଧିଥାଏ ଏବଂ ଏହି ଅବରୋଧ ହେତୁ ଶିରାରେ ମଧ୍ୟ ହୋଇପାରେ। ଏହି ଲକ୍ଷଣକୁ ଅଣଦେଖା କରିବା ଉଚିତ୍ ନୁହେଁ।
ଜେନ୍ଥେଲଜମା
ଯଦି ଆଖିର ଚକ୍ଷୁରେ ହଳଦିଆ ଦାଗ ଦେଖାଯାଏ, ତେବେ ବୁଝିଯାଆନ୍ତୁ ଯେ ଏହା କୋଲେଷ୍ଟ୍ରଲ ସ୍ତର ବୃଦ୍ଧି ହେବାର ଏକ ସଙ୍କେତ। ଯେତେବେଳେ ରକ୍ତରେ କୋଲେଷ୍ଟ୍ରଲର ପରିମାଣ ବଢିଥାଏ, ସେତେବେଳେ ଆଖିପତା ଚାରିପଟେ ହଳଦିଆ ରଙ୍ଗ ଦେଖାଯାଏ ଏବଂ ଏହା ହୃଦୟ ସମ୍ବନ୍ଧୀୟ ସମସ୍ୟାର ସଙ୍କେତ ଅଟେ।
ହାଇପରଟେନସିଭ୍ ରେଟିନୋପାଥି
ଏହା ହେଉଛି ଏକ ଅବସ୍ଥା, ଯେଉଁଥିରେ ରେଟିନାରେ ଥିବା କ୍ଷୁଦ୍ର ରକ୍ତଭଣ୍ଡାରଗୁଡ଼ିକ ନଷ୍ଟ ହୋଇଯାଏ। ଏହା ଫଳରେ ଶରୀରରେ ଥିବା ଅନ୍ୟ ରକ୍ତବାହୀଗୁଡ଼ିକ ମଧ୍ୟ ଦୁର୍ବଳ ହୋଇଯାଏ ଏବଂ ରକ୍ତ ହୃଦୟରେ ସଠିକ୍ ଭାବରେ ପହଞ୍ଚେ ନାହିଁ। ଏହି ସଙ୍କେତ ରକ୍ତଚାପ ଏବଂ ହୃଦଘାତ ସହିତ ଜଡିତ ରୋଗକୁ ସୂଚାଇଥାଏ।
Powered by Froala Editor