୨୦ ସେକେଣ୍ଡ୍ ପାଇଁ ରାମଙ୍କ ଦର୍ଶନ କରିପାରିବେ ଭକ୍ତ
ଅଯୋଧ୍ୟା : ଆଗାମୀ ବର୍ଷ (୨୦୨୪) ନବନିର୍ମିତ ଅଯୋଧ୍ୟା ରାମ ମନ୍ଦିରରେ ରାମଲଲାଙ୍କ ବିଗ୍ରହ ସ୍ଥାପନ କରାଯିବ। ଏନେଇ ଅଯୋଧ୍ୟା ରାମ ମନ୍ଦିର ନିର୍ମାଣ କମିଟିର ଅଧ୍ୟ୍ୟକ୍ଷ ନୃପେନ୍ଦ୍ର ମିଶ୍ର ସୂଚନା ଦେଇଛନ୍ତି। ଗଣମାଧ୍ୟମରେ ସୂଚନା ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରମୁଖ ସଚିବ କହିଛନ୍ତି ଯେ ସଂପୃକ୍ତ ଅଞ୍ଚଳରେ ସୁରକ୍ଷା ପାଇଁ ବ୍ଲୁପ୍ରିଣ୍ଟ୍ ପ୍ରସ୍ତୁତ କରାଯାଇଛି।
ଜନଗହଳିକୁ କିପରି ନୟନ୍ତ୍ରଣ କରାଯିବ ସେଥିପାଇଁ ମଧ୍ୟ ଏକ ବ୍ଲୁପ୍ରିଣ୍ଟ୍ ପ୍ରସ୍ତୁତ କରାଯାଇଛି। ୫୦ ହଜାର, ୧ ଲକ୍ଷ ଓ ୧୦ ଲକ୍ଷ ପର୍ଯ୍ୟଟକଙ୍କ ପାଇଁ ଅଲଗା ଅଲଗା ପ୍ରସ୍ତୁତି ଯୋଜନା ହୋଇଛି। ଭକ୍ତମାନେ ୨୦ ସକେଣ୍ଡ୍ ପାଇଁ ରାମଲଲାଙ୍କ ଦର୍ଶନ କରିବା ସହ ୧ ଘଣ୍ଟା ପର୍ଯ୍ୟନ୍ତ ମନ୍ଦିର ପରିସରରେ ପରିଦର୍ଶନ କରିପାରିବେ ବୋଲି ସେ କହିଛନ୍ତି।
ଗ୍ରାଉଣ୍ଡ୍ ଫ୍ଲୋର୍ର ନିର୍ମାଣ ସାରି ରାମଲଲାଙ୍କ ସ୍ଥାପନ କରିବା ପାଇଁ ପ୍ରଥମ ଡେଡ୍ଲାଇନ୍ ଡିସେମ୍ବର, ୨୦୨୩କୁ ରଖାଯାଇଥିଲା। କିନ୍ତୁ ନାନା କାରଣରୁ ନେଇ ଏହା ପ୍ରାୟ ୧ ମାସ ବିଳମ୍ବ ହୋଇଛି। କେବଳ ମନ୍ଦିରଟି ୩ ଏକର ଜମିରେ ପ୍ରତିଷ୍ଠିତ। ଯେତେବେଳେ ପରିକ୍ରମା ଭୂମି କାମ ସରିଯି, ଏହାକୁ ୮ ଏକର ଯାଏ ବୃଦ୍ଧି କରାଯିବ।
୨୦୨୪ ଜାନୁଆରି ୨୨ ରେ ଅଯୋଧ୍ୟାରେ ରାମ ମନ୍ଦିରଗର୍ଭଗୃହରେ ରାମଲଲାଙ୍କ ବିଗ୍ରହରେ ପ୍ରାଣପ୍ରତିଷ୍ଠା ହେବ। ଗର୍ଭଗୃହ କୁ ଏପରି ଭାବେ ନିର୍ମାଣ କରାଯାଉଛି ଯେ ଉଦିତ ସୂର୍ଯ୍ୟଙ୍କ କିରଣ ଠିକ ରାମଲଲାଙ୍କ କପାଳରେ ପଡ଼ିବ । ଏପରିକି ରାମନବମୀ ଦିନ ସୂର୍ଯ୍ୟଙ୍କ କିରଣ ୫ ମିନିଟ୍ ପର୍ଯ୍ୟନ୍ତ ରାମଲାଲାଙ୍କ କପାଳରେ ରହିବ। ଏହାକୁ ସୂର୍ଯ୍ୟ ତିଲକ କୁହାଯାଏ।
Powered by Froala Editor
