ରାଜଧାନୀରେ ୮ଟି ଡ୍ୟାନ୍ସ ବାରରେ ଚଢ଼ାଉ କଲା ଅବକାରୀ ବିଭାଗ
ଭୁବନେଶ୍ୱର: ରାଜଧାନୀରେ ଶନିବାର ୮ଟି ଡ୍ୟାନ୍ସ ବାର ଉପରେ ଚଢ଼ାଉ କରିଛି ଅବକାରୀ ବିଭାଗ। ଡ୍ୟାନ୍ସ ବାରଗୁଡ଼ିକ ସମସ୍ତ ନିୟମ ମାନୁଛନ୍ତି କି ନାହିଁ, ତାହା ଯାଞ୍ଚ କରିବା ପାଇଁ ଏହି ଚଢ଼ାଉ କରାଯାଇଥିଲା ବୋଲି କହିଛନ୍ତି ଭୁବନେଶ୍ୱର ଅବକାରୀ ଇନ୍ସପେକ୍ଟର ବିକାଶ ନାୟକ।
ଏବେ ନିୟମିତ ଏପରି ଯାଞ୍ଚ ହେବ। ଆଜି ମଧ୍ୟ ଯାଞ୍ଚ କରାଯିବ। ଯେଉଁମାନେ ଡ୍ୟାନ୍ସ ବାର ପାଇଁ ଉଦ୍ଦିଷ୍ଟ ନିୟମ ଉଲ୍ଲଂଘନ କରିବେ, ସେମାନଙ୍କ ବିରୋଧରେ ମାମଲା ରୁଜୁ ହେବ। ତା’ ସହିତ ସେମାନଙ୍କ ଠାରୁ ଜରିମାନା ଆଦାୟ କରାଯିବ।
ନିକଟରେ ଏକ ହୋଟେଲରୁ କଲେଜ ଛାତ୍ରୀ ଶୁଭଲକ୍ଷ୍ମୀଙ୍କ ଝୁଲନ୍ତା ମୃତଦେହ ମିଳିଥିଲା। ସେ ଆତ୍ମହତ୍ୟା କରିଥିବା ଶବ ବ୍ୟବଚ୍ଛେଦ ରିପୋର୍ଟରୁ ଜଣାପଡ଼ିଛି। ତେବେ ତାଙ୍କୁ ୨୧ ବର୍ଷ ହୋଇନଥିଲେ ହେଁ ସେ ଏକ ଡ୍ୟାନ୍ସ ବାରରେ ନିୟୋଜିତ ହୋଇଥିଲେ ବୋଲି ଅଭିଯୋଗ ରହିଛି। ଏପରିକି ଏ ନେଇ ଅବକାରୀ ବିଭାଗ ଉପରେ ପ୍ରଶ୍ନବାଚୀ ସୃଷ୍ଟି ହୋଇଥିଲା। ଏହା ପରେ ଚେଇଁ ଉଠିଛି ଅବକାରୀ ବିଭାଗ। ଆଉ ବାରଗୁଡ଼ିକରେ ଚଢ଼ାଉ ଆରମ୍ଭ କରିଛି।
Powered by Froala Editor
