ପୁରୀ: ବହୁ ବାଦ ବିବାଦ ପରେ ବନକଲାଗି ନୀତି ବିବାଦର ଘଟିଲା ଅନ୍ତ। ଜିଦ୍‌ରୁ ଓହରିଲେ ଦତ୍ତମହାପାତ୍ର ନିଯୋଗ। ଆସନ୍ତା ୯ ତାରିଖ ଅର୍ଥାତ ବୁଧବାର ହେବ ମହାପ୍ରଭଙ୍କୁ ବନକଲାଗି ନୀତି। ଶ୍ରୀଜିଉଙ୍କ ହେବ ଶ୍ରୀମୁଖ ସିଂହାର। ଏନେଇ ସୂଚନା ଦେଲେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଘୋଷଣା କରାଯାଇଛି।
ସୂଚନା ମୁତାବିକ, ଦୀର୍ଘ ଏକ ମାସ ଧରି ଦତ୍ତମହାପାତ୍ର ନିଯୋଗ ଓ ଶ୍ରୀମନ୍ଦିର ପ୍ରଶାସନ ମଧ୍ୟରେ ବନକଲାଗି ନୀତି ଲାଗି ବିବାଦ ଲାଗିରହିଥିଲା । ଫଳରେ ମାସାଧିକ ହେଲା ଠାକୁରଙ୍କ ଶ୍ରୀମୁଖ ସିଂହାର ହୋଇ ନାହିଁ । ମଳିନ କଳାଶ୍ରୀମୁଖଙ୍କୁ ଦର୍ଶନ କରି ଉଦ୍‌ବେଗ ପ୍ରକାଶ କଲେଣି କୋଟି କୋଟି ଜଗନ୍ନାଥ ପ୍ରେମୀ । ବନକଲାଗି ବିବାଦର ତୁରନ୍ତ ସମାଧାନ ପାଇଁ ନୀତି ସବ୍‌କମିଟି ବୈଠକ ଡକା ହେଲା । ସେଥିରେ ଆଲୋଚନା ହୋଇ ନିଷ୍କର୍ସ ନବାହାରିବାରେ ପୁନଃ ଶ୍ରୀମନ୍ଦିର ପରିଚାଳନା କମିଟିରେ ଆଲୋଚନା ହେବାକୁ ମଙ୍ଗଳବାରକୁ ଅପେକ୍ଷା ରହିଥିଲା । ହେଲେ କୌଣସି କାରଣରୁ ଶ୍ରୀମନ୍ଦିର ପରିଚାଳନା କମିଟି ବୈଠକ ସ୍ଥିଗିତ କରାଯାଇଥିଲା। ଇତି ମଧ୍ୟରେ ଗୁରୁବାର ଓ ବୁଧବାର ବନକଲାଗି ପାଇଁ ଲିଖିତାକାରେ ଦତ୍ତମହାପାତ୍ରମାନେ ପ୍ରସ୍ତୁତ ଥିବା ଶ୍ରୀମନ୍ଦିର ପ୍ରଶାସନକୁ ଜଣାଇଥିଲେ। ଏହା ପରେ ଆସନ୍ତା ୯ ତାରିଖରେ ଅର୍ଥାତ ବୁଧବାର ଦିନ ବନକଲାଗି ନୀତି କରିବା ପାଇଁ ଶ୍ରୀମନ୍ଦିର ମୁଖ୍ୟ ପ୍ରଶାସକ ଦତ୍ତମହାପାତ୍ର ନିଯୋଗକୁ ନିର୍ଦ୍ଦେଶ ଦେଇଛନ୍ତି।

Powered by Froala Editor