ନକଲି ମସଲା କାରଖାନା ଠାବ
କଟକ: କଟକ ମାଲଗୋଦାମରୁ ନକଲି ମସଲା କାରଖାନା ଠାବ ମାମଲା। ଆଜି ବ୍ୟବସାୟୀ ଅରୁଣ କୁମାର ଗନ୍ତାୟତକୁ ମାଲଗୋଦାମ ଥାନା ପୁଲିସ କରିଛି ଗିରଫ। ଜୋନ ୧ ଏସିପି ଅରୁଣ କୁମାର ସ୍ବାଇଁ ଏହି ସୂଚନା ଦେଇଛନ୍ତି । ଶୁକ୍ରବାର ଦିନ ଏହି ନକଲି ମସଲା କାରଖାନା ଠାବ ହୋଇଥିଲା । ସିଏମସି ଓ ମାଲଗୋଦାମ ଥାନା ପୁଲିସ ମିଳିତ ଚଢାଉ କରି ୨୦ ବସ୍ତା ନକଲି ଲଙ୍କା ଓ ହଳଦୀ ଗୁଣ୍ଡ ଜବତ କରିଥିଲେ। ଏହା ସହ ଚାଉଳ ଚୁନା ଓ ରାସାୟନିକ ରଙ୍ଗ ମଧ୍ୟ ଜବତ କରାଯାଇଥିଲା।
ମିଳିଥିବା ସୂଚନା ମୁତାବକ ଦୀର୍ଘ ଦିନ ବ୍ୟବଧାନ ପରେ ଗତକାଲି ମାଲଗୋଦାମ ଅଂଚଳରୁ ୨୦ କୁଇଣ୍ଟାଲ ଅପମିଶ୍ରିତ ଲଙ୍କା, ହଳଦୀ, ଧନିଆ ପାଉଡର, ଖଡ଼ଗପୁରୀ ମିକ୍ସ ମସଲା ଜବତ କରାଯାଇଥିଲା | ସବୁ ଗୁଣ୍ଡରେ ଚାଉଳ, ରଙ୍ଗ , କେମିକାଲ ମିଶାଯାଉଥିବାବେଳେ ଅନେକ ବର୍ଷ ଧରି ବ୍ୟବସାୟୀ ଜଣଙ୍କ ଅରୁଣ କୁମାର ଗନ୍ତାୟତ ଖୁଲମଖୁଲା ବ୍ୟବସାୟ କରୁଥିବାର ଜଣାପଡିଛି | ତେବେ ଜବତ ନକଲି ସାମଗ୍ରୀର ମୂଲ୍ୟ ୫୦ ଲକ୍ଷ ଟଙ୍କା ହେବ ଜଣାପଡିଛି ।
Powered by Froala Editor
