କଂଗ୍ରେସ ଭବନ ଭିତରେ ଧସେଇ ପଶି ହୋ ହାଲା କଲେ ଚିରଞ୍ଜୀବ ଓ ମୋକିମଙ୍କ ସମର୍ଥକ
ଭୁବନେଶ୍ୱର: କଂଗ୍ରେସ ଭବନରେ ବିଶୃଙ୍ଖଳା । ବିଧାୟକ ସନ୍ତୋଷ ସିଂହ ସାଲୁଜାଙ୍କ ଘରେ ବସିଲା ଶୃଙ୍ଖଳ କମିଟି ବୈଠକ । ଏହି ବୈଠକରେ ଅନ୍ୟାନ୍ୟ ନେତା ମଧ୍ୟ ଯୋଗ ଦେଇଛନ୍ତି । ଦଳରୁ ନିଲମ୍ବିତ ହୋଇଥିବା ବିଧାୟକ ମହମ୍ମଦ ମୋକିମ ଏବଂ ପୂର୍ବତନ ବିଧାୟକ ଚିରଞ୍ଜୀବଙ୍କ ସମର୍ଥକ ଆଜି କଂଗ୍ରେସ ଭବନ ଭିତରେ ଧସେଇ ପଶି ହୋ ହାଲା କରିଛନ୍ତି । ଏହି ସମୟରେ ପିସିସି ସଭାପତି ଶରତ ପଟ୍ଟନାୟକଙ୍କ ବିରୋଧରେ ନିଲମ୍ବିତ ନେତାଙ୍କ ସମର୍ଥକ ନାରାବାଜି କରିଛନ୍ତି । ଏମିତିକି ଆଗାମୀ ଦିନରେ ଅଣ୍ଡାମାଡ କରିବେ ବୋଲି ଚେତାବନୀ ଦେଇଛନ୍ତି ।
ଗତକାଲି ଏହି ପ୍ରସଙ୍ଗରେ ପିସିସି ସଭାପତି ଶରତ ପଟ୍ଟନାୟକ କହିଥିଲେ ଶୃଙ୍ଖଳା କମିଟି ରିପୋର୍ଟ ଆଧାରରେ କାର୍ୟ୍ୟାନୁଷ୍ଠାନ ଗ୍ରହଣ କରାଯାଇଛି । ମୋକିମ ଏବଂ ଚିରଞ୍ଜୀବଙ୍କୁ ନିଲମ୍ବନ ପରେ ତାଙ୍କ ସମର୍ଥକ ବିଭିନ୍ନ ଫୋରମରେ ନିଲମ୍ବନ ପ୍ରତ୍ୟାହାର ପାଇଁ ଦାବି କରୁଛନ୍ତି ।
ସୂଚନାଯୋଗ୍ୟଯେ, ଦଳ ବିରୋଧୀ କାର୍ଯ୍ୟ ପାଇଁ କଟକ ବାରବାଟୀ ବିଧାୟକ ମହମ୍ମଦ ମୋକିମ ଓ ଚିରଞ୍ଜୀବ ବିଶ୍ୱାଳଙ୍କୁ ନିଲମ୍ବିତ କରାଯାଇଥିଲା । ଏନେଇ ଉଭୟ ନେତା ପରୋକ୍ଷରେ ପିସିସିକୁ ଟାର୍ଗେଟ କରିଥିଲେ । ଏପରିକି ସେମାନେ କଂଗ୍ରେସରେ ଅଛନ୍ତି ଓ କଂଗ୍ରେସରୁ ହିଁ ଲଢ଼ିବେ ବୋଲି କହିଥିଲେ ।
Powered by Froala Editor
