କାର୍ତ୍ତିକ, କିଆରାଙ୍କ ଯୋଡି ସୁପରହିଟ୍ : ୧୦୦ କୋଟି ଆୟ କଲାଣି 'ସତ୍ୟପ୍ରେମ କି କଥା'
'ସତ୍ୟପ୍ରେମ କି କଥା' ବକ୍ସ ଅଫିସରେ ସୁପରହିଟ ହୋଇଛି। ଜୁନ୍ ୨୯ରେ ମୁକ୍ତିଲାଭ କରିଥିବା ଏହି ଫିଲ୍ମ ୧୦୦କୋଟି କ୍ଲବରେ ପ୍ରବେଶ କରିଛି। ଚଳଚ୍ଚିତ୍ରରେ କାର୍ତ୍ତିକ ଆରୟନ୍ ଏବଂ କିଆରା ଆଡଭାନୀଙ୍କ କେମେଷ୍ଟ୍ରିକୁ ଦର୍ଶକ ବହୁତ ପସନ୍ଦ କରୁଛନ୍ତି।
ପ୍ରଥମ ଦିନ ୯.୨୫କୋଟି ସଂଗ୍ରହ କରି 'ସତ୍ୟପ୍ରେମ କି କଥା' ଭଲ ବ୍ୟବସାୟ କରିଥିଲା। ଦ୍ୱିତୀୟ ଦିନରେ ୭କୋଟି ସଂଗ୍ରହ କରିବା ସହ ତୃତୀୟ ଦିନରେ ୧୦.୧୦କୋଟି ସଂଗ୍ରହ କରିଥିଲା । ରବିବାର ୧୨.୧୫କୋଟି ସଂଗ୍ରହ ହେବା ସହିତ ଫିଲ୍ମର ଆୟ ବୃଦ୍ଧି ପାଇବାକୁ ଲାଗିଥିଲା। 'ସତ୍ୟପ୍ରେମ କି କଥା' କାର୍ତ୍ତିକଙ୍କର ଚଳିତ ବର୍ଷର ପ୍ରଥମ ହିଟ୍ ଫିଲ୍ମ ପାଲଟିଛି।
କିଆରା ସୋସିଆଲ ମିଡିଆରେ ପୋଷ୍ଟ ସେୟାର କରି ଏହି ସୂଚନା ଦେଇଛନ୍ତି। କିଆରା ଫିଲ୍ମର ଏକ ପୋଷ୍ଟର ସେୟାର କରିଛନ୍ତି ଯେଉଁଥିରେ ଲେଖା ଅଛି ଯେ ଏହି ଚଳଚ୍ଚିତ୍ର ସାରା ବିଶ୍ୱରେ ୧୦୦କୋଟି ସଂଗ୍ରହ କରିଛି। କିଆରା ଲେଖିଛନ୍ତି- 'ସତ୍ୟପ୍ରେମ କି କଥା'କୁ ଏତେ ଭଳପାଇବା ଦେଇଥିବାରୁ ଧନ୍ୟବାଦ।
Powered by Froala Editor
