ଏକାମ୍ରରେ ୪ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କଲେ ମନ୍ତ୍ରୀ
ଭୁବନେଶ୍ବର: ଆଜି ଏକାମ୍ର ନିର୍ବାଚନମଣ୍ଡଳୀ ଅନ୍ତର୍ଗତ ୩ଟି ୱାର୍ଡରେ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ପ୍ରାୟ ୪କୋଟି ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦ୍ଘାଟନ କରିଛନ୍ତି। ସେଥିମଧ୍ୟରୁ ୱାର୍ଡ ନଂ- ୫୬ରେ ବିଧାୟକ ଆଞ୍ଚଳିକ ଉନ୍ନୟନ ପାଣ୍ଠି ଅନୁଦାନରେ କଳ୍ପନା ପାଣିଟାଙ୍କି ବିଜୁ ଆଦର୍ଶ କଲୋନିର ଗୋଷ୍ଠୀ ଗୃହ ଉନ୍ନତୀକରଣ, ତ୍ରିନାଥ ମଣ୍ଡପର ଉନ୍ନତୀକରଣ, ଅଧେଇ ଖାଲ ଅରବିନ୍ଦ କଲୋନି, ଗଧିଆ ଖାଲ ଗୋଷ୍ଠୀ ଗୃହ ଉନ୍ନତୀକରଣ ଏବଂ ମହିଷା ଖାଲ ବିଜୁ ଆଦର୍ଶ କଲୋନି ୟୁଥ୍ କ୍ଲବ୍, ବଡ଼ଗଡ଼ ଉଚ୍ଚ ବିଦ୍ୟାଳୟର ପାଚେରି ନିର୍ମାଣ କାର୍ଯ୍ୟର ଶିଳାନ୍ୟାସ କରିଥିଲେ
ସେହିପରି ୱାର୍ଡ ନଂ-୪୪ରେ ଭୁବନେଶ୍ୱର ମହାନଗର ନିଗମ ଦ୍ବାରା ବଡ଼ଗଡ଼ ଗ୍ରାମରେ ପ୍ରାୟ ଅଢ଼େଇ କୋଟି ଟଙ୍କାର ବିଭିନ୍ନ ପ୍ରକଳ୍ପକୁ ମନ୍ତ୍ରୀ ଶ୍ରୀ ପଣ୍ଡା ଶିଳାନ୍ୟାସ କରିଥିଲେ। ସେଥିମଧ୍ୟରୁ ବଡ଼ଗଡ଼ ଛକ ଠାରୁ ଗ୍ରାମ ମଧ୍ୟକୁ ପେଭର୍ ବ୍ଲକ୍ ରାସ୍ତା, ପାତ୍ର ସାହି ରାସ୍ତା ଓ କଲଭର୍ଟ, ୱାର୍ଡ ନଂ-୫୭ରେ ପ୍ରାୟ ଦେଢ଼ କୋଟି ଟଙ୍କାରେ ପାଣ୍ଡବ ଗୁମ୍ଫା, ସରସ୍ୱତୀ ଶିଶୁ ମନ୍ଦିର, ଇ ବି ଅଞ୍ଚଳ ପ୍ରଭୃତିରେ ରାସ୍ତା ଓ ନାଳର ମଧ୍ୟ ଶିଳାନ୍ୟାସ ହୋଇଥିଲା। କାର୍ଯ୍ୟକ୍ରମରେ ମେୟର ସୁଲୋଚନା ଦାସ, ଡେପୁଟି ମେୟର ମଞ୍ଜୁଲତା କହଁର, କର୍ପୋରେଟର କେ. ଶାନ୍ତି, ବିରଞ୍ଚି ନାରାୟଣ ମହାସୂପକାର, ଅଜିତ ବେହେରା, ସନ୍ତୋଷ ସିଂ, ପୂର୍ବତନ କର୍ପୋରେଟର ପ୍ରତାପ ଜେନା, ଅଶୋକ ସିଂ ପ୍ରମୁଖ ଉପସ୍ଥିତ ଥିଲେ।
Powered by Froala Editor
