ଚେକ୍‌ ବାଉନ୍‌ସ ହେବା ଘଟଣା ବଲିଉଡ୍‌ ଅଭିନେତ୍ରୀ ଅମୀଷା ପଟେଲଙ୍କ ପାଇଁ ମହଙ୍ଗା ସାବ୍ୟସ୍ତ ହୋଇଛି। ଅମୀଷା ପଟେଲ ସୋମବାର ରାଞ୍ଚିର ସିଭିଲ କୋର୍ଟରେ ହାଜର ହୋଇଛନ୍ତି। ସେ ରାଞ୍ଚିର ବରିଷ୍ଠ ଡିଭିଜନ୍‌ ଜଜ୍‌ ଡିଏନ୍‌ ଶୁକ୍ଳାଙ୍କ କୋର୍ଟରେ ହାଜର ହୋଇ ନିଜକୁ ନିର୍ଦ୍ଦୋଷ ବୋଲି ଦାବୀ କରିଛନ୍ତି।

ନିକଟରେ ଅମିଷା ପଟେଲ ରାଞ୍ଚି ସିଭିଲ କୋର୍ଟରେ ଆତ୍ମସମର୍ପଣ କରିଥିଲେ ଯେଉଁଠାରେ ତାଙ୍କୁ ଜାମିନ ପ୍ରଦାନ କରାଯାଇଥିଲା। କିନ୍ତୁ ସୋମବାର ପୁଣିଥରେ ଅଭିନେତ୍ରୀଙ୍କୁ ଏହି ମାମଲାରେ କୋର୍ଟରେ ହାଜର ହେବାକୁ ପଡିଥିଲା। ଏହି ହାଜର ହେବା ସମୟରେ ଅମିଷା ପଟେଲ ଚେକ ବାଉନ୍ସ ମାମଲାରେ ନିଜକୁ ନିର୍ଦ୍ଦୋଷ ବୋଲି କହି ଯୁକ୍ତି ରଖିଥିଲେ। 

ସୂଚନାଯୋଗ୍ୟ, ଏହି ମାମଲା ୨୦୧୮ର, ଯେତେବେଳେ ଅଜୟ କୁମାର ସିଂ ତାଙ୍କ ବିରୋଧରେ ଠକେଇ ଏବଂ ଚେକ ବାଉନ୍ସ ମାମଲା ଦାୟର କରିଥିଲେ। ଅଜୟ କୁମାର ସିଂହଙ୍କ କହିବା ଅନୁଯାୟୀ, ‘ଦେଶୀ ମ୍ୟାଜିକ୍‌’ ଶୀର୍ଷକ ଏକ ଚଳଚ୍ଚିତ୍ର ନିର୍ମାଣ ପାଇଁ ସିଂହ ଅଭିନେତ୍ରୀ ଅମୀଷାଙ୍କ ବ୍ୟାଙ୍କ ଆକାଉଣ୍ଟକୁ ୨.୫ କୋଟି ଟଙ୍କା ଟ୍ରାନ୍‌ସଫର କରିଥିଲେ। ତେବେ, ପରବର୍ତ୍ତୀ ସମୟରେ ଅଭିନେତ୍ରୀ ଅମୀଷା ଏହି ଫିଲ୍ମକୁ ଆଗକୁ ବଢ଼ାଇ ନଥିଲେ ଏବଂ ପରେ ୨.୫ କୋଟି ଟଙ୍କାର ଏକ ଚେକ୍‌ ପଠାଇ ଦେଇଥିଲେ। କିନ୍ତୁ ଏହି ଚେକ୍‌ଟି ବାଉନସ୍‌ ହୋଇ ଯାଇଥିଲା ।

Powered by Froala Editor