ପିରିୟଡ଼ସ ଯନ୍ତ୍ରଣାରୁ ଆରାମ ଦିଏ ହେଙ୍ଗୁ
![ପିରିୟଡ଼ସ ଯନ୍ତ୍ରଣାରୁ ଆରାମ ଦିଏ ହେଙ୍ଗୁ](https://odishanewslens.com/news_gallery/22654_1688445015.jpg)
ଭାରତୀୟମାନେ ବିଭିନ୍ନ ପ୍ରକାର ମସଲା ବ୍ୟବହାର କରିଥାନ୍ତି । ଏହି ସବୁ ମସଲାର ଭିନ୍ନ ଭିନ୍ନ ଫାଇଦା ରହିବା ସହ କେତେକ ସମସ୍ୟାର ସମାଧାନ କରିପାରେ । ମସଲାକୁ କେବଳ ସ୍ୱାଦ ପାଇଁ ନୁହେଁ ,ବରଂ ସୁସ୍ଥ ରହିବା ପାଇଁ ବ୍ୟବହାର କରାଯାଏ । ତେଣୁ ଭାରତୀୟ ମସଲା ହେଙ୍ଗୁ ଏକ ସ୍ୱତନ୍ତ୍ର ସ୍ଥାନ ରହିଛି । ଔଷଧୀୟ ଗୁଣ ଓ ସୁଗନ୍ଧ ପାଇଁ ଭାରତୀୟ ଖାଦ୍ୟରେ ହେଙ୍ଗୁର ବ୍ୟବହାର କରାଯାଇଥାଏ ।
ଯେକୈାଣସି ଖାଦ୍ୟର ଛୁଙ୍କ ହେଉ କି ଚଟଣି ବା ମସଲାରେ ମହକ ଆଣିବା ଲାଗି ହେଙ୍ଗୁର ବ୍ୟବହାର କରାଯାଏ । ସ୍ୱାସ୍ଥ୍ୟ କ୍ଷେତ୍ରରେ ହେଙ୍ଗୁ ବ୍ୟବହାର କରାଯାଇଥାଏ । ହେଙ୍ଗୁରେ ଏମିତି ଏକ ଉପାଦାନ ରହିଛି, ଯାହା ରକ୍ତକୁ ପତଳା କରିବାରେ ସହଯୋଗ କରିଥାଏ । ଏହା ରକ୍ତଚାପ କମାଇବା ସହ ହୃଦୟକୁ ସୁସ୍ଥ ରଖିବାରେ ସହାୟକ ହୋଇଥାଏ । ଏପରିକି ସ୍ୱାସ୍ଥ୍ୟବସ୍ଥାକୁ ବଢାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ ।
ହେଙ୍ଗୁରେ ଥିବା ଆଂଟି ଇନ୍ଫ୍ଲାମେଟୋରୀ, ଆଂଟି ଭାଇରସ୍ ଓ ଆଂଟି ବ୍ୟାକ୍ଟେରିଆଲ ଗୁଣ ଆସ୍ଥମା ସହ ଅନ୍ୟାନ୍ୟ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ଯେପରିକି ବ୍ରୋଙ୍କାଇଟିସ୍ ଓ ଶୁଖିଲା କାଶରୁ ଆରାମ ଦେଇଥାଏ । ଗରମ ପାଣିରେ ହେଙ୍ଗୁ ପକାଇ ହର୍ବାଲ ଚା କରି ପିଇପାରିବେ ।
ପିରିୟଡ଼ ସମୟରେ ହେଉଥିବା ଯନ୍ତ୍ରଣାରୁ ମଧ୍ୟ ଆରାମ ଦେଇଥାଏ ହେଙ୍ଗୁ । କାରଣ ଏଥିରେ ରକ୍ତକୁ ପତଳା କରିବାରେ ପ୍ରାକୃତିକଗୁଣ ରହିଛି । ଯାହା ଦ୍ୱାରା ଶରୀରରେ ଯେକୈାଣସି ଅଙ୍ଗକୁ ରକ୍ତ ପ୍ରବାହ ସହଜ କରିଥାଏ । ହଜମ ପ୍ରକ୍ରିୟାରେ ହେଙ୍ଗୁର ଭୂମିକା ବେଶ୍ ଗୁରୁତ୍ୱପୂର୍ଣ୍ଣ । ଏହା ଏକ ପ୍ରାକୃତିକ କାର୍ମିନେଟିଭ ଭାବେ କାମ କରିଥାଏ । ଯାହା ପେଟ ଫୁଲିବା , ଯନ୍ତ୍ରଣା, ଗ୍ୟାସ ସମସ୍ୟାକୁ ଦୂରେଇଦେଇଥାଏ ।
Powered by Froala Editor