୧୯ ବର୍ଷ ପରେ ପଡ଼ିଛି ଯୋଡ଼ା ଶ୍ରାବଣ
![୧୯ ବର୍ଷ ପରେ ପଡ଼ିଛି ଯୋଡ଼ା ଶ୍ରାବଣ](https://odishanewslens.com/news_gallery/22636_1688358391.jpg)
ଚଳିତ ବର୍ଷ ପଡ଼ିଛି ଯୋଡ଼ା ଶ୍ରାବଣ। ଗୋଟିଏ ମଳ ଓ ଗୋଟିଏ ଶୁଦ୍ଧ ଶ୍ରାବଣ। ଆସନ୍ତା ସୋମବାର ମାସନ୍ତ ହୋଇଥିବା ବେଳେ ମଙ୍ଗଳବାରଠାରୁ ଶ୍ରାବଣ ମାସ ପଶୁଛି। କାଉଡ଼ିଆମାନେ ଶିବଲିଙ୍ଗରେ ଜଳଲାଗି କରିବା ପାଇଁ ଏହା ପରଠୁ ଆସିବେ। ଏହି ବର୍ଷ ଶ୍ରାବଣ ମାସଟି ଶୁଭ ହେବ।
ଚଳିତ ବର୍ଷ ଏହି ମାସ ଜୁଲାଇ ୪ରୁ ଆରମ୍ଭ ହୋଇ ଅଗଷ୍ଟ ୩୧ରେ ଶେଷ ହେବ।ଏହି ଯୋଡ଼ା ମାସର ପ୍ରଥମ କୃଷ୍ଣପକ୍ଷ ଓ ଶେଷ ଶୁକ୍ଳପକ୍ଷ ହେଉଛି ଶୁଦ୍ଧ ଶ୍ରାବଣ ମାସ ଓ ମଝିରେ ପ୍ରଥମ ଶୁକ୍ଳପକ୍ଷ ଓ ଦ୍ବିତୀୟ କୃଷ୍ଣପକ୍ଷ ହେଉଛି ମଳ ଶ୍ରବଣ ମାସ। ଓଡ଼ିଶାରେ ପ୍ରଚଳିତ ପୂର୍ଣ୍ଣିମାନ୍ତ ମାସ ଗଣନାରେ ମଳ ମାସଟି ଶୁଦ୍ଧ ମାସର ଦୁଇ ପକ୍ଷ ମଝିରେ ରହେ।
ଶିବ ପୁରାଣ ଅନୁସାରେ, ଶ୍ରାବଣ ମାସଟିକୁ ବିଶେଷ ଶୁଭ ମନେ କରାଯାଏ। କାରଣ ଏହି ମାସରେ ଭକ୍ତମାନେ କାଉଡ଼ି ରୂପ ଧରି ମହାଦେବଙ୍କ ମଥାରେ ପାଣି ଅର୍ପଣ କରିବା ପାଇଁ ଯାଆନ୍ତି। ଏହି ବର୍ଷର ଶ୍ରାବଣ ମାସ ୫୯ ଦିନ ପର୍ଯ୍ୟନ୍ତ ରହିବ ଏବଂ ଏଥିରେ ୮ଟି ସୋମବାର ରହିଛି। ଏହି ସଂଯୋଗ ପ୍ରାୟ ୧୯ ବର୍ଷ ପରେ ପୁଣି ଆସିଛି।
ଏ ସଂପର୍କରେ ଲିଙ୍ଗରାଜ ମନ୍ଦିରର ବଡ଼ୁ ସେବକ ଅନିକେତ ବଟୁ କହିଛନ୍ତି, ଏହି ସୋମବାର ପୂର୍ଣ୍ଣମୀ ମାସାନ୍ତ ହୋଇଥିବା ବେଳେ ମଙ୍ଗଳବାର ଶ୍ରାବଣ ମାସ ପ୍ରବେଶ କରିବ। ସେହି ଦିନଠାରୁ ପ୍ରଭୁଙ୍କ ପାଖରେ ଭକ୍ତଙ୍କ ପାଇଁ ସ୍ବତନ୍ତ୍ର ବେଲପତ୍ର ଲାଗି ହେବ।
ପ୍ରଥମ ଦୁଇ ସୋମବାର ଏହାକୁ ପାଳନ କରାଯିବ।ମଝିରେ ମଳ ମାସ ପାଇଁ ୧୫ ଦିନ ଅନ୍ତରରେ ପୁଣି ଶେଷ ପନ୍ଦର ଦିନ ପାଳନ କରାଯିବ। କାଉଡ଼ିଆମାନେ ଏହି ସମୟରେ ଜଳ ଲାଗି କରିବା ଉଚିତ ବୋଲି ସେ କହିଛନ୍ତି।
Powered by Froala Editor