ସବୁ ପ୍ରକାର ତ୍ୱଚା ପାଇଁ ପୋଦିନା ପତ୍ର
ପୋଦିନା ପତ୍ରକୁ ବାଟି ମୁହଁରେ ଲଗାଇ ଶୋଇପଡ଼ନ୍ତୁ । ସକାଳେ ଖାଲି ପାଣିରେ ଧୋଇ ଦିଅନ୍ତୁ । ସବୁ ପ୍ରକାର ତ୍ୱଚା ପାଇଁ ଏହା ଉପଯୋଗୀ । ଏହା ତ୍ୱଚାର ରଙ୍ଗ ସଫା କରିବା ସହ ବ୍ରଣ ଦୂର କରିଥାଏ ।
ପୋଦିନା ପତ୍ର ସବୁ ଖୁବ୍ ଭଲ ମାଉଥ୍ ଫ୍ରେସନର ଭାବେ କାମ କରିଥାଏ । ତେଣୁ ନିଃଶ୍ୱାସ ଓ ପ୍ରଶ୍ୱାସରେ ସତେଜତା ପାଇଁ ପୋଦିନାକୁ ବ୍ୟବହାର କରନ୍ତୁ । ପୋଦିନା ପତ୍ର ବଟା ଓ ଦହି ମିଶାଇ ମୁହଁରେ ଲଗାଇଲେ ବ୍ରଣ ଦୂର ହେବ । ପୋଦିନା ପତ୍ର ରସ, ତୁଳସୀ ରସ, କଂଚା ଧନିଆର ରସ ମିଶାଇ ତ୍ୱଚାରେ ଲଗାଇଲେ କୁଂଚିତରେଖା ଦେଖାଯାଏ ନାହିଁ ।
ତୁଳସୀ, ନିମ୍ବ, ପୋଦିନା ପତ୍ରକୁ ପାଣିରେ ଭିଜାଇ ତାକୁ ଛାଣି ମୁହଁରେ ଲଗାନ୍ତୁ । ଶୁଖିଯିବା ପରେ ଧୋଇଦିଅନ୍ତୁ । ଏହା ଦ୍ୱାରା ମୁହଁରେ ଦାଗ ଦୂର ହେବ । ଏହି ପାଣିରେ ସ୍ନାନ କଲେ ତ୍ୱଚା କ୍ଲାନ୍ତିମୁକ୍ତ ହେବ ଓ ସତେଜ ଲାଗିବ । ପୋଦିନା ପତ୍ର ରସ, ତୁଳସୀପତ୍ର ରସ ଓ କିଛି ପୋସ୍ତଦାନାକୁ ପାଣିରେ ଭିଜାଇ ସେହି ପାଣିେରେ ସ୍ନାନ କରନ୍ତୁ । ତ୍ୱଚା ଚିକ୍କଣ ଓ କୋମଳ ରହିବ ।
୫୦ ଗ୍ରାମ ପୋଦିନା ରସରେ ଗୋଟିଏ ଛୋୋଟ ପିଆଜ ମିଶାଇ ବାଟନ୍ତୁ । ଏହି ମିଶ୍ରଣକୁ କେଶରେ ଲଗାନ୍ତୁ । ଶୁଖିଯିବା ପରେ କେଶରେ ତେଲ ଲଗାନ୍ତୁ । ଏମିତି କରିବା ଦ୍ୱାରା କେଶରେ ଉଜ୍ଜ୍ୱଳତା ଆସିବ ।
Powered by Froala Editor
