ଟ୍ୱିନସିଟିକୁ ସିଭିୟର ହିଟ୍ ୱେଭ୍ ଆର୍ଲଟ ଜାରି
ଭୁବନେଶ୍ୱର: ଟ୍ୱିନସିଟିକୁ ସିଭିୟର ହିଟୱେଭ୍ ୱାର୍ଣ୍ଣିଂ ଜାରି। ଭୁବନେଶ୍ୱର ପାଣିପାଗ କେନ୍ଦ୍ର ପକ୍ଷରୁ ଜାରି ହେଲା ସିଭିୟର ହିଟ୍ ୱେଭ୍ ଆର୍ଲଟ। କଟକ ଓ ଭୁବନେଶ୍ୱରର କିଛି ସ୍ଥାନରେ ପ୍ରବଳ ଗ୍ରୀଷ୍ମ ପ୍ରବାହ ସମ୍ଭାବନା ରହିଛି। ଭୀଷଣ ଗୁଳୁଗୁଳି ସହ ପ୍ରଚଣ୍ଡ ତାତି ଜାରି ରହିବ । ଆବଶ୍ୟକ ନଥିଲେ ଯାତାୟାତରୁ ନିବୃତ୍ତ ରହିବାକୁ ଆଞ୍ଚଳିକ ପାଣିପାଗ କେନ୍ଦ୍ର ପରାମର୍ଶ ଦେଇଛି । ଶୋଷ ନ ଲାଗୁଥିଲେ ବି ପର୍ୟ୍ୟାପ୍ତ ପରିମାଣରେ ପାଣି ପିଇବାକୁ କୁହାଯାଇଛି । ଛୋଟ ପିଲା, ବୟସ୍କ ଓ ଅସୁସ୍ଥ ଲୋକଙ୍କ ପାଇଁ ଏଭଳି ତାତି ଓ ଗୁଳୁଗୁଳି ଅତି ସମ୍ବେଦନଶୀଳ । ସିଧାସଳଖ ଖରାରୁ ଦୂରେଇ ରହିବାକୁ କୁହାଯାଇଛି । ଗୃହପାଳିତ ପଶୁ ଓ ପକ୍ଷୀଙ୍କୁ ନିରାପଦ ସ୍ଥାନରେ ରଖିବାକୁ ପରାମର୍ଶ ଦିଆଯାଇଛି । ଏଥି ସହିିତ ପ୍ରଚୁର ପରିମାଣରେ ପାଣି, ତୋରାଣି ଓ ଓଆର୍ଏସ୍ ପଇବାକୁ କୁହାଯାଇଛି।
ଶୁକ୍ରବାର ସକାଳ ସାଢ଼େ ୮ଟା ସୁଦ୍ଧା ଝାରସୁଗୁଡ଼ାରେ ସର୍ବାଧିକ ୩୮.୬ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି। ସମ୍ବଲପୁର ୩୬.୪ ଡ଼ିଗ୍ରୀ, ହୀରାକୁଦ ୩୬ ଡ଼ିଗ୍ରୀ, କେନ୍ଦୁଝର ୩୪.୮ ଡ଼ିଗ୍ରୀ, ଭୁବନେଶ୍ୱର ୩୪.୨ ଡ଼ିଗ୍ରୀ, ବାଲେଶ୍ୱର ୩୪ ଡ଼ିଗ୍ରୀ, ଚାନ୍ଦବାଲି ୩୩.୬ ଡ଼ିଗ୍ରୀ, ଗୋପାଳପୁର ୩୩.୨ ଡ଼ିଗ୍ରୀ, ପୁରୀ ୩୩ ଡ଼ିଗ୍ରୀ, ପାରାଦୀପ ୩୨.୨ ଡ଼ିଗ୍ରୀ ତାପମାତ୍ରା ରେକର୍ଡ କରାଯାଇଛି।
Powered by Froala Editor
