ପଶ୍ଚିମବଙ୍ଗରେ କଂଗ୍ରେସକୁ ଝଟକା, ଟିଏମସିରେ ଯୋଗ ଦେଲେ ଏକମାତ୍ର କଂଗ୍ରେସ ବିଧାୟକ
ପଶ୍ଚିମବଙ୍ଗରେ କଂଗ୍ରେସକୁ ବଡ ଝଟକା ଲାଗିଛି। ପଶ୍ଚିମବଙ୍ଗ ବିଧାନସଭାରେ କଂଗ୍ରେସର ଏକମାତ୍ର ବିଧାୟକ ଥିବା ବେରୋନ ବିଶ୍ୱାସ ସୋମବାର ପଶ୍ଚିମ ମେଦିନୀପୁର ଜିଲ୍ଲାରେ ଶାସକ ତୃଣମୂଳ କଂଗ୍ରେସ (ଟିଏମ୍ସି) ଦଳର ରାଷ୍ଟ୍ରୀୟ ସାଧାରଣ ସମ୍ପାଦକ ଅଭିଷେକ ବାନାର୍ଜୀଙ୍କ ଉପସ୍ଥିତିରେ ଟିଏମସିରେ ଯୋଗ ଦେଇଛନ୍ତି। ଫଳରେ ପଶ୍ଚିମବଙ୍ଗ ବିଧାନସଭା ସଂପୂର୍ଣ୍ଣ ରୂପେ କଂଗ୍ରେସ ମୁକ୍ତ ହୋଇପଡ଼ିଛି।
ବେରୋନ ବିଧାନସଭାରେ ଏକମାତ୍ର କଂଗ୍ରେସ ବିଧାୟକ ଥିଲେ। କଂଗ୍ରେସ ବିଧାୟକ ସାମିଲ ହେବାକୁ ନେଇ ଟିଏମସି ତାଙ୍କୁ ସହୃଦୟ ଦଳକୁ ସ୍ବାଗତ କରିଛି। ଟିଏମସି କହିଛି, ଭାଜପାର ବିଭାଜନକାରୀ ଓ ଭେଦଭାବପୂର୍ଣ୍ଣ ରାଜନୀତି ବିରୋଧରେ ଲଢିବାର ସଂକଳ୍ପକୁ ମଜଭୁତ କରିବାକୁ ଆପଣ ଠିକ ମଞ୍ଚ ବାଛିଛନ୍ତି, ଏକାଠି ଆମେ ଜିତିବା।
Powered by Froala Editor
