ବର୍ଷକରେ ସୋରିଷ ତେଲ ଦର ଅଢେ଼ଇ ଗୁଣା ବୃଦ୍ଧି
ନୂଆଦିଲ୍ଲୀ: କରୋନା ମହାମାରୀ ସମୟରେ ସାଧାରଣ ଖାଉଟିଙ୍କ ସମସ୍ୟା କମ ହେବାର ନାଁ ଧରୁନାହିଁ । ପେଟ୍ରୋଲ ଡିଜେଲ ଦର ସହ ଖାଇବା ତେଲ ବି ଆକାଶ ଛୁଇଁଛି । ସରକାରୀ ତଥ୍ୟ ଅନୁସାରେ ଗତବର୍ଷ ମେ’୨୬ରେ ଲିଟର ପିଛା ସୋରିଷ ତେଲ ଦାମ ୯୦ ଟଙ୍କା ଥିଲା । ଏହା ବର୍ତ୍ତମାନ ୨୦୦ ଟଙ୍କା ପାର କରିଗଲାଣି । ବଜାରରେ ଗୋଟିଏ ଲିଟର ସୋରିଷ ତେଲ ପ୍ୟାକେଟର ରିଟେଲ ଦର ୨୧୪ ଟଙ୍କା ନିକଟତର । ଏଭଳି କ୍ଷେତ୍ରରେ ବର୍ଷକରେ ସୋରିଷ ତେଲ ଦର ଅଢେ଼ଇ ଗୁଣା ବୃଦ୍ଧି ହୋଇଥିବା ଜଣାଯାଇଛି । କେଡ଼ିଆ ଆଡଭାଇଜରୀର ଅଜୟ କେଡିଆ କୁହନ୍ତି, ଗତବର୍ଷ ସୋରିଷ ଫସଲ ଭଲ ରହିଥିଲା । କିନ୍ତୁ ଲକଡାଉନ ଯୋଗୁଁ ବଜାରରେ ସୋରିଷ ତେଲର କଳାବଜାରୀ ଦରକୁ ଆକାଶ ଛୁଆଁଉଛି ।
Powered by Froala Editor
