ସମଲିଙ୍ଗୀ ଦମ୍ପତିଙ୍କୁ ଆଇନଗତ ମାନ୍ୟତା ନ ଦେଇ ମଧ୍ୟ ସେମାନଙ୍କ ସମସ୍ୟାର ସମାଧାନ କରିବା ପାଇଁ କେନ୍ଦ୍ର ସରକାର ଗୋଟିଏ କମିଟି ଗଠନ କରିବେ। ଏହି କମିଟି କ୍ୟାବିନେଟ ସଚିବଙ୍କ ଅଧ୍ୟକ୍ଷତାରେ ଗଠିତ ହେବ।  କ୍ୟାବିନେଟ୍‌ ସଚିବଙ୍କ ନେତୃତ୍ବରେ ଏକ କମିଟି ଗଠନ କରାଯିବ ବୋଲି ଆଜି କେନ୍ଦ୍ର ସରକାରଙ୍କ ତରଫରୁ ସଲିସିଟର୍‌ ଜେନେରାଲ୍‌ ତୁଷାର ମେହେଟ୍ଟା ସୁପ୍ରିମ୍‌ କୋର୍ଟଙ୍କୁ କହିଛନ୍ତି।

ସମଲିଙ୍ଗୀ ଦମ୍ପତିଙ୍କ ଚିନ୍ତା ଦୂର କରିବା ପାଇଁ ଉକ୍ତ କମିଟି ଆବଶ୍ୟକ ପ୍ରଶାସନିକ ପଦକ୍ଷେପ ଗ୍ରହଣ କରିବ ବୋଲି କେନ୍ଦ୍ର ସରକାରଙ୍କ ପକ୍ଷରୁ ସୁପ୍ରିମକୋର୍ଟଙ୍କୁ ଅବଗତ କରାଯାଇଛି। କେନ୍ଦ୍ର ସରକାରଙ୍କ ପକ୍ଷରୁ ସଲିସିଟର ଜେନେରାଲ ତୁଷାର ମେହେଟା ପ୍ରଧାନ ବିଚାରପତି ଜଷ୍ଟିସ ଡିୱାଇ ଚନ୍ଦ୍ରଚୂଡ଼ଙ୍କ ଅଧ୍ୟକ୍ଷତାରେ ଗଠିତ ୫ ଜଣିଆ ସାମ୍ବିଧାନିକ ଖଣ୍ଡପୀଠଙ୍କୁ କହିଛନ୍ତି ଯେ ଏହି ପ୍ରସଙ୍ଗରେ ସର୍ବୋଚ୍ଚ ଅଦାଲତ ଦେଇଥିବା (ପ୍ରଶାସନିକ ପଦକ୍ଷେପ କ’ଣ ସବୁ ହୋଇପାରିବ) ପ୍ରସ୍ତାବ ଉପରେ ସକରାର ସକାରାତ୍ମକ ଆଭିମୁଖ୍ୟ ରଖିଛନ୍ତି।

ବୀମା, ପୋଷ୍ୟ ସନ୍ତାନ ଗ୍ରହଣ, ଟିକସ ସୁବିଧା ଆଦି ଅନେକ କଥା ପିଟିସନର୍‌ମାନେ ଦାବି କରିଥିବାରୁ ଏଥିରେ ବହୁ ମନ୍ତ୍ରାଳୟର ସମ୍ପୃକ୍ତି ଆବଶ୍ୟକ ହେଉଛି। ସେହିପରି, ପ୍ରତିପକ୍ଷଙ୍କ ତରଫରୁ ବରିଷ୍ଠ ଆଡ୍‌ଭୋକେଟ୍‌ ଅଭିଷେକ ମାନୁ ସିଂହୱି କହିଲେ ଯେ, ଆହୁରି ଅନେକ କିଛି କରାଯିବା ଆବଶ୍ୟକ ଏବଂ ଆଇନରେ ପରିବର୍ତ୍ତନ ମଧ୍ୟ ଲୋଡ଼ା।

Powered by Froala Editor