ଭୁବନେଶ୍ୱର : ବାହନଗା ଓ ବାସୁଦେବପୁରର ମଧ୍ୟବର୍ତୀ ଅଂଚଳରେ ବାତ୍ୟା ୟଶ ସ୍ଥଳଭାଗ ଛୁଇଁଛି  । ସ୍ଥଳଭାଗ ଛୁଇଁବା ମାତ୍ରେ ପବନର ବେଗ ବଢ଼ିବା ସହ ବର୍ଷା ବି ବଢ଼ିଯାଇଛି  । ବାଲେଶ୍ୱର ଅଂଚଳରେ ବାତ୍ୟା ୟଶ ପ୍ରକୋପ ଦେଖାଇବା ପରେ ଏବେ ମୟୂରଭଞ୍ଜ ଆଡକୁ ମୁହାଁଇଛି  । ଘଂଟା ପ୍ରତି ୧୭ କିମି ବେଗରେ ବାତ୍ୟା ୟଶ ଗତି କରୁଥିବାବେଳେ ଅପରାହ୍ନ ବେଳକୁ ମୟୂରଭଞ୍ଜରେ ଏହାର ପ୍ରଭାବ ଦେଖିବାକୁ ପଡ଼ିବ ବୋଲି ଆକଳନ କରାଯାଉଛି  ।

ଦିନ ୧ଟାରେ ଏହାର ଲ୍ୟାଣ୍ଡଫଲ ପ୍ରକି୍ରୟା ଶେଷ ହେବ ବୋଲି ପାଣିପାଗ ବିଭାଗ ପକ୍ଷରୁ ଆକଳନ କରାଯାଇଛି  । ସକାଳ ୯ଟାରୁ ବାତ୍ୟା ଲ୍ୟାଣ୍ଡଫଲ କରିଥିବା ନେଇ ଆଇଏମଡ଼ି ପକ୍ଷରୁ ସୂଚନା ଦିଆଯାଇଛି  । ବାସୁଦେବପୁରରୁ ବାହାନଗା ମଧ୍ୟରେ ବାତ୍ୟା ଲ୍ୟାଣ୍ଡଫଲ କରିଥିବା ଜାଣିବାକୁ ମିଳିଛି  । ସମ୍ପ୍ରତି ପବନର ବେଗ ୧୩୦ରୁ ୧୪୦ କିମି ରହିଥିବାବେଳେ ପ୍ରବଳ ବର୍ଷା ମଧ୍ୟ ହେଉଛି  । ଏବେ ବାତ୍ୟା ବାଲେଶ୍ୱର ଦେଇ ମୟୂରଭଞ୍ଜ ଆଡକୁ ଗତି କରୁଛି  । ବାତ୍ୟା ପ୍ରଭାବରେ ପ୍ରବଳ ବର୍ଷା ହେବାରୁ ଅନେକ ଅଂଚଳ ଜଳମଗ୍ନ ହୋଇଯାଇଛି  । ବାତ୍ୟା ବାଲେଶ୍ୱର ଠାରୁ ୫୦ କିମି ଦୂରରେ ରହିଥିବାବେଳେ ଧାମରା ଠାରୁ ୪୫ କିଲୋମିଟର ଦୂରରେ ରହିଛି  ।

ଝଟକା ପବନର ବେଗ ୧୫୫ କିମି ରହିଥିବାବେଳେ ଅନେକ ଗଛ ବି ଉପଡ଼ିଯାଇଛି  । ଏଯାବତ ସେଭଳି କୌଣସି ବଡ଼ ଧରଣର କ୍ଷୟକ୍ଷତି ହୋଇଥିବା ନେଇ ଖବର ଆସିପାରିନାହିଁ  । ବାରିପଦାରେ ସର୍ବାଧିକ ବର୍ଷା ହୋଇଥିବାବେଳେ ୩୦୪ ମିମି ରେକଡର଼୍ କରାଯାଇଛି  । ସେହିପରି ଚାନ୍ଦବାଲିରେ ୨୮୮ ମିମି, ରାଜନଗରରେ ୨୭୫ ମିମି ଓ ଏରସମାରେ ୨୭୧ ମିମି ବର୍ଷା ହୋଇଛି  । 

Powered by Froala Editor