କରୋନାରେ ଭଞ୍ଜନଗର ପୂର୍ବତନ ବିଧାୟକ ଉମାକାନ୍ତ ମିଶ୍ରଙ୍କ ଦେହାନ୍ତ
କୋଭିଡରେ ଭଞ୍ଜନଗରର ପୂର୍ବତନ ବିଧାୟକ ଉମାକାନ୍ତ ମିଶ୍ରଙ୍କ ଦେହାନ୍ତ ହୋଇଛି । ସେ ଭଞ୍ଜନଗର ନିକଟ ସାନକୋଦଣ୍ଡା ଗ୍ରାମରେ ୧୯୩୯ ମସିହା ମେ’ ମାସ ୧୪ ତାରିଖରେ ଜନ୍ମ ଗ୍ରହଣ କରିଥିଲେ । କଂଗ୍ରେସରୁ ୮୫ରୁ ୯୦ମସିହା ପର୍ଯ୍ୟନ୍ତ ଓଡିଶା ବିଧାନସଭାକୁ ଭଞ୍ଜନଗରରୁ ବିଧାୟକ ଭାବରେ ନିର୍ବାଚିତ ହୋଇଥିଲେ । ସେ ୧୯୯୭ରୁ ୧୯୯୯ ମସିହା ଓରେଡା ନିଗମ ଅଧକ୍ଷ ଥିଲେ । ୧୯୯୭ରୁ ୨୦୦୧ ମସିହା ପର୍ଯ୍ୟନ୍ତ ଗଞ୍ଜାମ ଜିଲ୍ଲା କଂଗ୍ରେସ ସଭାପତି ଥିଲେ ।
ଉମାକାନ୍ତ ଜଣେ ଭଲ ଅଭିନେତା ମଧ୍ୟ ଥିଲେ, ଓଡ଼ିଆ ଚଳଚିତ୍ର, ମା, କା, ଅମଡ଼ା ବାଟ ଆଦିରେ ଅଭିନୟ କରିଥିଲେ । ଏହାସହ ସୁପରହିଟ୍ ହିନ୍ଦୀ ଚଳଚ୍ଚିତ୍ର ଭିଗେ ପଲକେରେ ରାଜବବର ଏବଂ ସ୍ମିତା ପାଟିଲଙ୍କ ସହ ଅଭିନୟ କରିଥିଲେ । ପରବର୍ତ୍ତୀ ସମୟରେ ରାଜବବର ଏବଂ ସ୍ମିତା ପାଟିଲଙ୍କ ଅନୁରୋଧ କ୍ରମେ ବମ୍ବେ ଯାଇ ଦୁହିଁଙ୍କ ଅତିଥି ହୋଇଥିଲେ ।
Powered by Froala Editor
