ଯାତ୍ରୀବାହୀ ବସକୁ ପଛପଟୁ ପିଟିଲା ଟ୍ରକ୍, ୭ ଯାତ୍ରୀ ମୃତ
![ଯାତ୍ରୀବାହୀ ବସକୁ ପଛପଟୁ ପିଟିଲା ଟ୍ରକ୍, ୭ ଯାତ୍ରୀ ମୃତ](https://odishanewslens.com/news_gallery/21042_1682155418.jpg)
ନୂଆଦିଲ୍ଲୀ: ଉତ୍ତରପ୍ରଦେଶର ଅଯୋଧ୍ୟାରେ ମର୍ମନ୍ତୁଦ ସଡକ ଦୁର୍ଘଟଣା । ଯାତ୍ରୀବାହୀ ବସକୁ ପଛପଟୁ ପିଟିଲା ଟ୍ରକ୍ । ଦୁର୍ଘଟଣାରେ ୭ଜଣ ଯାତ୍ରୀଙ୍କ ମୃତ୍ୟୁ ହୋଇଛି । ୪୦ରୁ ଅଧିକ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ଆହତମାନଙ୍କୁ ଉଦ୍ଧାର କରାଯାଇ ଡାକ୍ତରଖାନା ନିଆଯାଇଛି । ଏଥିସହ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି । ଆହତମାନଙ୍କୁ ଉପଯୁକ୍ତ ଚିକିତ୍ସା କରିବାକୁ ସେ ନିର୍ଦ୍ଦେଶ ଦେଇଛନ୍ତି ।
ଘରୋଇ ବସ୍ ଲକ୍ଷ୍ନୌରୁ ଆମ୍ବେଦକର ନାଗର ଅଭିମୁଖେ ଯାଉଥିଲା । ଏହି ଭୟଙ୍କର ସଡ଼କ ଦୁର୍ଘଟଣାରେ ବସ୍ ଟ୍ରକ୍ ତଳେ ଚାପି ହୋଇଯାଇଥିଲା । ଟ୍ରକରେ ମାର୍ବଲ ଗୁଣ୍ଡ ଲୋଡାଯାଇଥିଲା। ବସ୍ରେ ପ୍ରାୟ ୭୦ ଜଣ ଯାତ୍ରୀ ଥିଲେ। ଅନେକ ଯାତ୍ରୀ ଏବେ ବି ବସ୍ ଭିତରେ ଫସି ରହିଛନ୍ତି । ଘଟଣାସ୍ଥଳରେ ଉପସ୍ଥିତ ପୋଲିସ ଉଦ୍ଧାର କାର୍ୟ୍ୟରେ ନିୟୋଜିତ ଅଛନ୍ତି ।
Powered by Froala Editor