ପ୍ରାୟତଃ ସମସ୍ତେ ଭେଣ୍ଡି ଖାଇବାକୁ ପସନ୍ଦ କରନ୍ତି। ଏଥିରେ ପ୍ରୋଟିନ୍, ଫ୍ୟାଟ୍, କାର୍ବୋହାଇଡ୍ରେଟ୍, ଫାଇବର, ଆଇରନ୍, ଜିଙ୍କ୍, ମାଙ୍ଗାନିଜ୍, କପର୍, ମ୍ୟାଗ୍ନେସିୟମ୍, ଫସଫରସ୍, ପୋଟାସିୟମ୍, କ୍ୟାଲସିୟମ୍ ପରି ଅନେକ ପୋଷକ ତତ୍ତ୍ୱ ମିଳିଥାଏ। ଯାହା ଆପଣଙ୍କୁ ସୁସ୍ଥ ରଖିବା ପାଇଁ ଜରୁରୀ। ଏହା ବ୍ୟତୀତ ଏଥିରେ ଆଣ୍ଟି-ବ୍ୟାକ୍ଟେରିଆଲ୍, ଆଣ୍ଟି-ଅଲସର୍, ଆଣ୍ଟି-କ୍ୟାନ୍ସର୍ ଇତ୍ୟାଦି ଗୁଣ ମିଳିଥାଏ।

ବିଶେଷକରି ଗ୍ରୀଷ୍ମ ସମୟରେ ଭେଣ୍ଡି ତରକାରୀ ଅଧିକ ହୁଏ। କାରଣ ଏହି ସମୟରେ ପ୍ରଚୁର ପରିମାଣରେ ମିଳିଥାଏ। କିନ୍ତୁ ଏବେ ବାର ମାସ ଭେଣ୍ଡି ମିଳୁଛି। ତେବେ ସମସ୍ତେ ଏହି ପରିବାକୁ ଖାଇବା ଉଚିତ୍ ନୁହେଁ । ଏପରି କେତେକ ରୋଗ ଅଛି ଯେଉଁଥିରେ ପୀଡିତ ଲୋକଙ୍କୁ ଏହାକୁ ଖାଇବା ଠାରୁ ଦୂରେଇ ରହିବା ଉଚିତ୍। କାରଣ ଏହା ସେମାନଙ୍କ ସ୍ୱାସ୍ଥ୍ୟ ଉପରେ କ୍ଷତିକାରକ ପ୍ରଭାବ ପକାଇପାରେ।  ଆସନ୍ତୁ ଜାଣିବା କେଉଁମାନେ ଭେଣ୍ଡି ଖାଇବା ଉଚିତ୍ ନୁହେଁ-

କିଡ୍‌ନୀ ରୋଗୀ :
ଯଦି ଆପଣଙ୍କର କିଡ୍‌ନୀ ସମସ୍ୟା ଅଛି, ତେବେ ଆପଣ ଭେଣ୍ଡି ଖାଇବା ଠାରୁ ଦୂରେଇ ରହିବା ଉଚିତ୍। କେବଳ ଏତିକି ନୁହେଁ, କିଡ୍‌ନୀ ଏବଂ ଗଲ୍ ବ୍ଲାଡରରେ ପଥର ଥିଲେ ମଧ୍ୟ ଭେଣ୍ଡି ଖାଇବା କ୍ଷତିକାରକ ହୋଇପାରେ। ଯଦି ଏହି ରୋଗରେ ପୀଡିତ ରୋଗୀମାନେ ଭେଣ୍ଡି ଖାଇବାକୁ ଚାହାଁନ୍ତି, ତେବେ ପୁଷ୍ଟିକର ବିଶେଷଜ୍ଞ କିମ୍ବା ଡାଏଟିସିଆନଙ୍କ ପରାମର୍ଶ ନିଅନ୍ତୁ। ବିଶେଷଜ୍ଞଙ୍କ ଅନୁଯାୟୀ, କିଛି ମାମଲାରେ ଭେଣ୍ଡି କିଡ୍‌ନୀ ଏବଂ ଗଲ୍ ବ୍ଲାଡର ପଥରକୁ ଖରାପ କରିପାରେ। ଭେଣ୍ଡିରେ ବହୁ ପରିମାଣର ଅକ୍ସାଲେଟ୍ କ୍ରିଷ୍ଟାଲ୍ ଉପସ୍ଥିତି ହେତୁ ଏହା କିଡ୍ନୀ ଷ୍ଟୋନ୍‌ ରୋଗର କାରଣ ହୋଇପାରେ।

ଫୁଲା ସମସ୍ୟା :
ଯଦି ଆପଣ ବାରମ୍ବାର ପେଟ ଫୁଲା ସମସ୍ୟାରେ ଚିନ୍ତିତ, ତେବେ ଆପଣ ଭେଣ୍ଡି ଖାଇବା ଠାରୁ ଦୂରେଇ ରହିବା ଉଚିତ। ଯଦି ଆପଣ ଚାହାଁନ୍ତି, ସୀମିତ ପରିମାଣରେ ଭେଣ୍ଡି ଖାଇପାରିବେ। ବିଶେଷଜ୍ଞଙ୍କ ଅନୁଯାୟୀ, ଭେଣ୍ଡି ଫାଇବରରେ ଭରପୂର। ଫାଇବର ଅତ୍ୟଧିକ ହେତୁ, ଏହି ସମସ୍ୟା ପ୍ରାୟତଃ ସେହି ଲୋକମାନଙ୍କ ପାଇଁ ଅଧିକ ହୋଇଥାଏ ଯେଉଁମାନେ ପେଟ ଫୁଲିବା ଦ୍ୱାରା ଅସୁବିଧାରେ ପଡ଼ନ୍ତି।

କୋଲେଷ୍ଟ୍ରଲ ବଢିବା :
ଯଦି ଆପଣଙ୍କର କୋଲେଷ୍ଟ୍ରଲ ସମସ୍ୟା ଅଛି ତେବେ ଭେଣ୍ଡି ଠାରୁ ଦୂରେଇ ରହିବା ଆପଣଙ୍କ ସ୍ୱାସ୍ଥ୍ୟ ପାଇଁ ଗୁରୁତ୍ୱପୂର୍ଣ୍ଣ। ବାସ୍ତବରେ ଅଧିକାଂଶ ଲୋକ ଭେଣ୍ଡି ଭଜା ଖାଇବାକୁ ପସନ୍ଦ କରନ୍ତି। ଅଧିକ ତେଲରେ ଭଜା ହେଲେ ଭଣ୍ଡି ଖରାପ ହୋଇଯାଏ । ଏହିପରି ଭେଣ୍ଡି ଖାଇବା ଦ୍ୱାରା କୋଲେଷ୍ଟ୍ରଲ ସ୍ତର ବଢିଥାଏ। ଯାହାକି ଆହୁରି ଅନେକ ସମସ୍ୟା ସୃଷ୍ଟି କରିପାରେ ।

Powered by Froala Editor