ପ୍ରେମିକ ହସ୍ପିଟାଲ ବେଡ୍ରେ : ୩୦ ଘୁଷୁରିଙ୍କୁ ନେଇ ଫେରାର ହୋଇଗଲା ପ୍ରେମିକା
ଜଣେ ପ୍ରେମିକା ୩୦ ଘୁଷୁରିଙ୍କୁ ନେଇ ଫେରାର ହୋଇଯାଇଛନ୍ତି। ଏହି ଘଟଣା ଦକ୍ଷିଣ-ପଶ୍ଚିମ ଚାଇନାର ସିଚୁଆନ ପ୍ରଦେଶରୁ ଆସିଛି। ଏଠାରେ ଲୁ ନାମକ ଜଣେ ବ୍ୟକ୍ତି ୪ ବର୍ଷ ଧରି ତାଙ୍କ ପ୍ରେମିକାଙ୍କ ସହିତ ଲିଭ୍-ଇନ୍ରେ ରହୁଥିଲେ। ହସ୍ପିଟାଲ ବେଡ୍ରେ ଥାଇ ସେ ଜାଣିବାକୁ ପାଇଲେ ତାଙ୍କ ପ୍ରେମିକା ୩୦ ଘୁଷୁରିଙ୍କୁ ନେଇ କେଉଁଆଡ଼େ ଚାଲିଯାଇଛନ୍ତି । ପ୍ରେମିକଙ୍କ ଗୋଡ଼ ଭାଙ୍ଗିଯିବାରୁ ସେ ହସ୍ପିଟାଲରେ ଭର୍ତ୍ତି ହୋଇଥିଲେ। ଏହି ସମୟରେ ପ୍ରେମିକା ପାଳିଥିବା ୩୦ ଘୁଷୁରିଙ୍କୁ ସାଥିରେ ଧରି କେଉଁଆଡ଼େ ଫେରାର ହୋଇଯାଇଛନ୍ତି।
ଲୁ ପୂର୍ବରୁ ବିବାହ କରିଥିଲେ ଏବଂ ତାଙ୍କ ସ୍ତ୍ରୀଙ୍କର ମୃତ୍ୟୁ ହୋଇଥିଲା। ୨୦୧୯ରେ ସେ ଜିଓଙ୍ଗଙ୍କୁ ଭେଟିଥିଲେ। ତାଙ୍କ ପ୍ରେମରେ ପଡ଼ିବା ପରେ ଏକାଠି ରହିବାକୁ ନିଷ୍ପତ୍ତି ନେଇଥିଲେ। ଜୁଲାଇରେ ଏହି ପ୍ରେମୀଯୁଗଳ ଘୁଷୁରି ପ୍ରଜନନ ବ୍ୟବସାୟ ଆରମ୍ଭ ପାଇଁ ୮୦୦୦୦ ଜୁଆନ ଋଣ କରିଥିଲେ।
ଲୁ କହିଛନ୍ତି, ଟଙ୍କାକୁ ନେଇ ଦୁହିଁଙ୍କର ବେଳେବେଳେ ମନୋମାଳିନ୍ୟ ହେଉଥିଲା। ତେଣୁ ତାଙ୍କ ପ୍ରେମିକା ଏହି ଘୁଷୁରିମାନଙ୍କୁ ଧରି କେଉଁଆଡ଼େ ଚାଲିଯାଇଛନ୍ତି।
Powered by Froala Editor
