ପୋଷା କୁକୁର ପାଇଁ ନଦୀକୁ ଡେଇଁଲା ସ୍ତ୍ରୀ, ସ୍ତ୍ରୀକୁ ବଞ୍ଚାଇବାକୁ ଡେଇଁଲେ ସ୍ୱାମୀ ଓ ପୁଅ
ପତ୍ନୀ ଓ କୁକୁରକୁ ବଞ୍ଚାଇବାକୁ ଯାଇ ବାପ ଓ ପୁଅର ମୃତ୍ୟୁ ଘଟିଛି । ମଧ୍ୟପ୍ରଦେଶର ଖାର୍ଗୋନରେ ଏଭଳି ଦୁଃଖଦାୟକ ଘଟଣା ଘଟିଯାଇଛି । ସୂଚନା ମୁତାବକ ଖର୍ଗୋନର ସହସ୍ରାଧର ଅଂଚଳରେ ସ୍ୱାମୀ-ସ୍ତ୍ରୀ, ତାଙ୍କ ପୁଅ ଓ ପୋଷା କୁକୁର ନର୍ମଦା ନଦୀ କୂଳକୁ ବୁଲିବାକୁ ଯାଇଥିଲେ । ଏହି ସମୟରେ ପୋଷା କୁକୁରଟି ନଦୀ ଭିତରକୁ ଚାଲିଯାଇଥିଲା । ପୋଷା କୁକୁରକୁ ବଞ୍ଚାଇବାକୁ ସପନା ସିଂହ ନଦୀକୁ ଡେଇଁପଡ଼ିଥିଲେ । ସପନାଙ୍କ ସ୍ୱାମୀ ଅମନ ସିଂ କନୱର ଏବଂ ତାଙ୍କ ପୁଅ ରୁଦ୍ରାକ୍ଷ ମଧ୍ୟ ତାଙ୍କୁ ଉଦ୍ଧାର କରିବା ପାଇଁ ନଦୀକୁ ଡେଇଁଥିଲେ।
ତେବେ ସପନା ସିଂହ ଓ କୁକୁର ପହଁରି ପହଁରି କୂଳକୁ ଚାଲିଆସିଥିବାବେଳେ ଅମନ ଓ ତାଙ୍କ ପୁଅ ରୁଦ୍ରାକ୍ଷ କିନ୍ତୁ ନଦୀରେ ବୁଡିଯାଇଥିଲେ । ପୁଲିସ ଘଟଣାସ୍ଥଳରେ ପହଂଚି ଦମକଳ ବାହିନୀକୁ ଖବର ଦେଇଥିଲେ । ଦମକଳ ବାହିନୀ ଅନେକ ସମୟ ଖୋଜାଖୋଜି କରିବା ପରେ ଉଭୟ ବାପା-ପୁଅଙ୍କ ମୃତଦେହ ଉଦ୍ଧାର କରିଛି।
Powered by Froala Editor
