ବଢ଼ିଲା ଭାଇଜାନ୍ଙ୍କ ସୁରକ୍ଷା ବ୍ୟବସ୍ଥା
ମୁମ୍ବାଇ: ହତ୍ୟା ଧମକ ପରେ ମୁମ୍ବାଇ ପୁଲିସ୍ ଭାଇଜାନ୍ଙ୍କ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରିଛି । ସଲମାନ୍ ଖାନ୍ଙ୍କୁ ଯୋଗାଇ ଦିଆଯାଇଛି ୱାଇ ପ୍ଲସ୍ ସୁରକ୍ଷା । ଏଥିସହ ତାଙ୍କ ଉପରେ ତୀକ୍ଷ୍ମ ନଜର ରଖାଯାଇଛି । ସଲମାନ୍ଙ୍କ ବାସଭବନରେ ମଧ୍ୟ ଅଧିକ ଫୋର୍ସ ମୁତୟନ କରାଯାଇଛି ।
ଶନିବାର ଇ-ମେଲ୍ ଜରିଆରେ ସଲମାନ ଖାନ୍ଙ୍କୁ ଲରେନ୍ସ ବିଷ୍ଣୋଇ ଗ୍ୟାଙ୍ଗ ପକ୍ଷରୁ ହତ୍ୟା ଧମକ ମିଳିଥିଲା । ରୋହିତ ଗାର୍ଗ ନାମକ ଜଣେ ବ୍ୟକ୍ତି ତାଙ୍କୁ ଇ-ମେଲ କରିଥିଲେ । ଲରେନ୍ସ ବିଷ୍ଣୋଇ ଗ୍ୟାଙ୍ଗର ସହଯୋଗୀ କାନାଡାର ଗୋଲ୍ଡି ବ୍ରାର ତାଙ୍କ ସହ କଥା ହେବାକୁ ଚାହୁଁଥିବା ନେଇ ଇ-ମେଲ ଆସିଥିଲା । ସମୟ ପୂର୍ବରୁ ଜଣାଇଦେଲି, ଆର ଥରକୁ ସିଧା ଝଟକା ମିଳିବ ବୋଲି ହିନ୍ଦୀରେ ଲେଖା ଥିବା ମେଲ ଆସିଥିଲା । ଏନେଇ ସଲମାନଙ୍କ ଟିମ୍ ମୁମ୍ବାଇ ବାନ୍ଦ୍ରା ଥାନରେ ଅଭିଯୋଗ କରିଥିଲେ । ଏହାପରେ ପୁଲିସ୍ ସକ୍ରିୟ ହୋଇଉଠିଛି । ସବୁଠି କଡ଼ାକଡ଼ି ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସଲମାନ୍ଙ୍କ ପ୍ରତିଟି କାର୍ଯ୍ୟକଳାପ ଉପରେ ସୁରକ୍ଷା ଟିମ୍ ନଜର ରଖୁଛି । ଯେଭଳି କୌଣସି ପ୍ରକାର ଅଘଟଣ ନଘଟେ ସେଥିପ୍ରତି ସତର୍କ ରହିଛି ସୁରକ୍ଷା ଟିମ୍ ।
Powered by Froala Editor
