ବ୍ରିଟିଶ ଅମଳର ଡ୍ରେନେଜ ଚ୍ୟାମ୍ବର ସଫା କରୁଥିବା ବେଳେ ୪ ଜଣଙ୍କ ମୃତ୍ୟୁ
ମହାରାଷ୍ଟ୍ର ପୁଣେର ବାରାମାଟିରେ ଅଘଟଣ ଘଟିଛି। ଡ୍ରେନ୍ରେ ଶ୍ୱାସରୁଦ୍ଧ ହୋଇ ୪ଜଣଙ୍କର ମୃତ୍ୟୁ ଘଟିଛି। ମୃତକ ହେଲେ ପ୍ରବୀଣ ଅଟୋଲେ, ଭାନୁଦାସ ଅଟୋଲେ, ପ୍ରକାଶ ସୋପାନ ଅଟୋଲେ ଏବଂ ବାବାସାହେବ ଅଟୋଲେ । ପ୍ରବୀଣ ମୋଟର ପାଇପ୍ ସଫା କରିବା ଲାଗି ଡ୍ରେନ୍ ଭିତରକୁ ଯାଇ ଚେତାଶୂନ୍ୟ ହେବା ପରେ ତାଙ୍କୁ ବଞ୍ଚାଇବାକୁ ଯାଇ ଅନ୍ୟମାନେ ପ୍ରାଣ ହରାଇଛନ୍ତି।
ଏଠାରେ ଥିବା ବ୍ରିଟିଶ ଅମଳର ଗୋଟିଏ ଡ୍ରେନେଜ ଚ୍ୟାମ୍ବର ସଫା କରୁଥିବା ବେଳେ ୪ ଜଣ ଶ୍ୱାସରୁଦ୍ଧ ହୋଇ ପ୍ରାଣ ହରାଇଛନ୍ତି। ଏହି ଚ୍ୟାମ୍ବରଟି ପ୍ରାଣ ହରାଇଥିବା ଜଣେ ବ୍ୟକ୍ତିଙ୍କ ଚାଷ ଜମିରେ ରହିଥିଲା। ପ୍ରଥମେ ଏହା ମଧ୍ୟରେ ରହିଥିବା ଗୋବର ଓ ପାଣିକୁ କାଢ଼ିବା ପାଇଁ ପ୍ରବୀଣ ଅତୋଲେ ଯାଇଥିଲେ। କିନ୍ତୁ ସେ ସଫା କରୁଥିବା ବେଳେ ହଠାତ୍ ଅଚେତ ହୋଇଯାଇଥିଲେ। ପ୍ରବୀଣଙ୍କୁ ଉଦ୍ଧାର କରିବା ପାଇଁ ତାଙ୍କ ବାପା ଗ୍ୟାମ୍ବର ଭିତରକୁ ଯାଇଥିଲେ। ହେଲେ ସେ ମଧ୍ୟ ଅଚେତ ହୋଇ ଯାଇଥିଲେ। ଆଉ ଦୁଇ ଜଣ କିଛି ନ ବୁଝିପାରି ପୁଣି ଭିତରକୁ ଯାଇଥିଲେ। ସେମାନେ ମଧ୍ୟ ସମାନ ସ୍ଥିତିର ସମ୍ମୁଖୀନ ହୋଇଥିଲେ। ଏପରି ଭାବେ ୪ ଜଣ ଚ୍ୟାମ୍ବର ମଧ୍ୟରେ ଶ୍ୱାସରୁଦ୍ଧ ଯୋଗୁ ପ୍ରାଣ ହରାଇଥିବା ପୁଲିସ୍ କହିଛି।
Powered by Froala Editor
