ଅହମ୍ମଦାବାଦ: ଅହମ୍ମଦାବାଦ ସ୍ଥିତ ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ଅଷ୍ଟ୍ରେଲିଆ ମଧ୍ୟରେ ଚାଲିଛି ଚତୁର୍ଥ ଟେଷ୍ଟ ମ୍ୟାଚ । ମ୍ୟାଚ ପୂର୍ବରୁ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆନ୍‌ଥୋନୀ ଆଲବାନେସ ସେଠାରେ ପହଞ୍ଚି ଖେଳାଳୀମାନଙ୍କୁ ଉତ୍ସାହିତ କରିଥିଲେ । ଦୁଇ ପ୍ରଧାନମନ୍ତ୍ରୀଙ୍କୁ ଏକାଠି ଦେଖି କରତାଳିରେ କମ୍ପିଥିଲା ଷ୍ଟାଡିୟମ ।  ଭାରତ ବର୍ତ୍ତମାନ ଚତୁର୍ଥ ଟେଷ୍ଟ ମ୍ୟାଚ ସିରିଜରେ ୨-୧ରେ ଆଗୁଆ ରହିଛି । ଯଦି ଭାରତୀୟ ଦଳ ଫାଇନାଲ ଟେଷ୍ଟ ଜିତେ, ତେବେ  ଆଇସିସି ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ଫାଇନାଲରେ ଦଳ ପ୍ରବେଶ କରପାରିବ, ଯେଉଁଠାରେ ଭାରତୀୟ ଦଳ ଜୁନ୍‌ ୭ ରୁ ଲଣ୍ଡନରେ ଅଷ୍‌ଟ୍ରେଲିଆ ସହିତ ମ୍ୟାଚ ଖେଳିବ । 

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆନ୍‌ଥୋନୀ ଆଲବାନେସଙ୍କୁ ଏକତ୍ର କ୍ରିକେଟ୍‌ ମ୍ୟାଚ ଦେଖିବା ପୂର୍ବରୁ ଗୁଜୁରାଟର ଅହମ୍ମଦାବାଦ ସ୍ଥିତ ଏକ ଷ୍ଟାଡିୟମରେ ଉଭୟଙ୍କୁ ସମ୍ମାନର ସହ ଜୋରଦାର ଆନନ୍ଦ ଓ କରତାଳି ଦେଇ ତାଙ୍କସ୍ୱାଗତ କରାଯାଇଥିଲା । ଭାରତ ଏବଂ ଅଷ୍‌ଟ୍ରେଲିଆ ମଧ୍ୟରେ ଚତୁର୍ଥ ଟେଷ୍ଟ ମ୍ୟାଚ ପୂର୍ବରୁ ଗଲ୍ଫ କାର୍ଟରୁ ନିର୍ମିତ ଏକ କାରରେ ନରେନ୍ଦ୍ର ମୋଦି ଓ ଆନ୍ଥୋନୀ ଆଲବାନେସ ଷ୍ଟାଡିୟମରେ ବୁଲିଥିଲେ ।

ପ୍ରଧାନମନ୍ତ୍ରୀ ମୋଦୀ ଏବଂ ଆଲବାନେସ୍‌ ନିଜ ଦଳର ଅଧିନାୟକ ରୋହିତ ଶର୍ମା ଏବଂ ଷ୍ଟିଭ୍‌ ସ୍ମିଥଙ୍କୁ ଶୁଭେଚ୍ଛା ଜଣାଇ ଟେଷ୍ଟ୍‌ କ୍ୟାପ୍‌ ଦେଇଥିଲେ ଏବଂ ଦଳ ସହ ହାତ ମିଳାଇଥିଲେ । ଦୁଇ ନେତା ବିସିସିଆଇ ଦ୍ୱାରା କ୍ରିକେଟ୍‌ ମାଧ୍ୟମରେ ୭୫ ବର୍ଷର ବନ୍ଧୁତ୍ୱର ପ୍ରତିନିଧିତ୍ୱ କରୁଥିବା ଫ୍ରେମ ହୋଇଥିବା କଳାକୃତି ମଧ୍ୟ ଉପସ୍ଥାପନ କରିଛନ୍ତି । ଭାରତ ଗସ୍ତରେ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ବୁଧବାର ଅହମ୍ମଦାବାଦରେ ପହଞ୍ଚିଛନ୍ତି । ଭାରତର ଅହମ୍ମଦାବାଦକୁ ଅବିଶ୍ୱସନୀୟ ଭାବେ ସ୍ୱାଗତ କରାଯାଇଥିବା ସେ କହିଛନ୍ତି । ଅଷ୍ଟ୍ରଲିଆ  ସମ୍ପର୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଯାତ୍ରା ଆରମ୍ଭ ବୋଲି ମଧ୍ୟ ସେ ଟୁଇଟ୍‌ କରିଛନ୍ତି ।ଆଲବାନିସ କହିଛନ୍ତି ଯେ ତାଙ୍କର ଏହି ଯାତ୍ରା ଦୁଇ ଦେଶ ମଧ୍ୟରେ ସମ୍ପର୍କକୁ ଗଭୀର କରିବା ଏବଂ ଆମ ଅଂଚଳରେ ସ୍ଥିରତା ଏବଂ ଅଭିବୃଦ୍ଧି ପାଇଁ ଏକ ଶକ୍ତି ବୋଲି ଦର୍ଶାଉଛି । 

https://twitter.com/AlboMP

ସୂଚନା ଅନୁସାରେ ଗୁଜରାଟର ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲଙ୍କ ଦ୍ୱାରା ଆଲବାନେସଙ୍କୁ ସ୍ୱାଗତ କରାଯାଇଥିଲା, ଯିଏକି ଅଷ୍‌ଟ୍ରେଲୀୟ ପ୍ରଧାନମନ୍ତ୍ରୀଙ୍କ ସହିତ ମହାତ୍ମା ଗାନ୍ଧୀଙ୍କ ସାବରବତୀ ଆଶ୍ରମକୁ ମଧ୍ୟ ଆସିଥିଲେ ।

ନ୍ୟୁଜ୍‌ ଏଜେନ୍ସି ଏଏନଆଇ ଅନୁଯାୟୀ ଅଷ୍‌ଟ୍ରେଲିଆ ହାଇ କମିଶନର ବରୀ ଓ’ଫରେଲ କହିଛନ୍ତି ଯେ, ଉଭୟ ଦେଶକୁ ବାନ୍ଧି ରଖିଥିବା ଗୋଟିଏ ଜିନିଷ ହେଉଛି କ୍ରିକେଟ୍‌ ଏବଂ ଅହମ୍ମଦାବାଦରେ ହେବାକୁ ଥିବା ମ୍ୟାଚର ପ୍ରଥମ ଦିନରେ ଭାରତ ଏବଂ ଅଷ୍‌ଟ୍ରେଲିଆର ନେତାଙ୍କୁ ଦେଖିବା ବହୁତ ଭଲ ହେବ ।

https://twitter.com/narendramodi/status/1633700732858945536?t=RTecmxarCgaFEVOTA3dDmA&s=08

ଭାରତ ସୀମା-ଗାଭାସ୍କର ସିରିଜକୁ ୨-୧ରେ ଅଗ୍ରଣୀ ରହିଛି । ଫାଇନାଲ ଟେଷ୍ଟରେ ଏକ ବିଜୟ ନିଶ୍ଚିତ କରିବ ଯେ, ଦଳ ଆଇସିସି ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ଫାଇନାଲରେ ପବେଶ କରିବା ପାଇଁ ସକ୍ଷବମ ହେବ, ଏବଂ ଜୁନ୍‌ ୭ରୁ ଲଣ୍ଡନରେ ଅଷ୍ଟ୍ରେଲିଆ ସହିତ ମ୍ୟାଚ ଖେଳିବ । 

Powered by Froala Editor