ଭୁବନେଶ୍ୱର: ପୂର୍ବ କେନ୍ଦ୍ରୀୟ ବଙ୍ଗୋପସାଗର ଓ ଉତ୍ତର ଆଣ୍ଡାମାନ ସଂଲଗ୍ନ ଅଞ୍ଚଳରେ ଶୁକ୍ରବାର ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଶନିବାର ଲଘୁଚାପର ରୂପ ନେଇଥିଲା । ତେବେ ଉକ୍ତ ଲଘୁଚାପ ଆଜି ୱେଲମାର୍କଡରେ ପରିଣତ ହୋଇଛି ।  ଆସନ୍ତା ୧୨ ଘଣ୍ଟାରେ ୱେଲମାର୍କଡ ଲୋ ପ୍ରେସର ଅବପାତ ରୂପ ନେବ ।  ଉତ୍ତର, ଉତ୍ତର-ପଶ୍ଚିମ ଦିଗକୁ ଗତି କରି ୨୪ ତାରିଖରେ ସାମୁଦ୍ରିକ ଝଡ଼ ରୂପ ନେବ ।  ପରବର୍ତ୍ତୀ ୨୪ ଘଣ୍ଟାରେ ଅତି ଭୀଷଣ ବାତ୍ୟାରେ ପଣିଣତ ହେବ । ତେବେ  ବାତ୍ୟା ଦ୍ୱାରା ମୁଖ୍ୟତଃ ୪ଟି ଜିଲ୍ଲା ଅଧିକ ପ୍ରଭାବିତ ହେବ । ସମ୍ପୃକ୍ତ ଜିଲ୍ଲାଗୁଡ଼ିକ ହେଲା ବାଲେଶ୍ୱର, ଭଦ୍ରକ, ମୟୂରଭଞ୍ଜ ଓ କେନ୍ଦ୍ରାପଡ଼ା ।  ଏହାରି ଭିତରେ କେଉଁ ଜିଲ୍ଲାକୁ କେତେ ଏନଡିଆରଏଫ ଟିମ ଯିବେ ସେନେଇ ସୂଚନା ଜାରି ହୋଇଛି ।  ଜଗତସିଂହପୁରକୁ ଗୋଟିଏ ଏନଡିଆରଏଫ ଟିମ ଯିବାକୁ ଥିବାବେଳେ କେନ୍ଦ୍ରାପଡ଼ାକୁ ୩ ଓ ଯାଜପୁରକୁ ୨ଟି ଯିବ । ସେହିପରି  ଭଦ୍ରକକୁ ୪, ବାଲେଶ୍ୱରକୁ ୭ ଓ ମଭୂରଭଞ୍ଜକୁ ଗୋଟିଏ ଏନଡିଆରଏଫ ଟିମ ଯିବ ବୋଲି ଜଣାଯାଇଛି ।  ଜରୁରୀ କାର୍ଯ୍ୟ ପାଇଁ ୪ଟି ଟିମ ମୁଖ୍ୟାଳୟରେ ରହିବ ବୋଲି ଏସଆରସିଙ୍କ କାର୍ଯ୍ୟାଳୟ ପକ୍ଷରୁ ପ୍ରକାଶ ।  ଆସନ୍ତା ୨୪ ତାରିଖ ଅପରାହ୍ନ ସୁଦ୍ଧା କାର୍ଯ୍ୟସ୍ଥଳରେ ପହଞ୍ଚିବାକୁ ନିଦେ୍ର୍ଧଶନାମା ଜାରି କରାଯାଇଛି ।

ଅନ୍ୟପକ୍ଷରେ  ବାାତ୍ୟା ମୁକାବିଲା ପ୍ରସ୍ତୁତି ତଦାରଖ ପାଇଁ ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନା  ବାଲେଶ୍ୱର ଗସ୍ତ କରିଥିବା ଜଣାଯାଇଛି ।  ବାତ୍ୟା ପୂର୍ବରୁ ପ୍ରସ୍ତୁତି ନେଇ ଏସଆରସି ଶ୍ରୀ ଜେନା ଅଧିକାରୀମାନଙ୍କ ସହ ଆଲୋଚନା କରିଛନ୍ତି ।  ଜିଲ୍ଲାପାଳଙ୍କ ଅଫିସରେ ଭିଡିଓ କନଫରେନ୍ସିଂ ଜରିଆରେ ଏସଆରସି ବାତ୍ୟା ମୁକାବିଲା ପାଇଁ ନିଆଯାଇଥିବା ପ୍ରସ୍ତୁତି ସମ୍ପର୍କରେ ଅଧିକାରୀମାନଙ୍କ ସହ ଆଲୋଚନା କରିଛନ୍ତି । ବ୍ଲକ ଓ ପଞ୍ଚାୟତସ୍ତରରେ ଥିବା ଅଧିକାରୀଙ୍କ ସହ ଏସଆରସି ଶ୍ରୀ ଜେନା ବିଚାରବିମର୍ଶ କରିଛନ୍ତି ।  ଏହି ଅବସରରେ ଜିରୋ କାଜୁଆଲଟିକୁ ପ୍ରାଥମିକତା ଦିଆଯିବାକୁ ଏସଆରସି ଗୁରୁତ୍ୱାରୋପ କରିଛନ୍ତି । 

Powered by Froala Editor