ହୁ ଦେଲା ଚେତବନୀ : ତକିଆ ତଳେ ମୋବାଇଲ ରଖି ଶୋଉଥିଲେ ସତର୍କ ହୋଇଯାନ୍ତୁ, ହୋଇପାରେ କ୍ୟାନସର
ମୋବାଇଲର ବହୁଳ ବ୍ୟବହାରକୁ ନେଇ ଚେତାବନୀ ଦେଇଛି ବିଶ୍ୱ ସ୍ୱାସ୍ଥ୍ୟ ସଂଗଠନ । କିଛି ଲୋକ ଶୋଇବା ସମୟରେ ତକିଆ ତଳେ, ବେଡ୍ ଉପରେ ମୋବାଇଲକୁ ଶରୀର ନିକଟରେ ରଖି ଶୋଇଥାନ୍ତି । ତେବେ ଏହା କେତେ ଯେ ଭୟଙ୍କର ତାହା ବିଶ୍ୱ ସ୍ୱାସ୍ଥ୍ୟ ସଂଗଠନ (ହୁ) ଚେତାବନୀ ଜାରି କରିଛନ୍ତି ।
ଏକ ରିସର୍ଚ୍ଚ ମୁତାବକ, ୬୮ ପ୍ରତିଶତ ବୟସ୍କ ବ୍ୟକ୍ତି ଓ ୯୦ ପ୍ରତିଶତ କିଶୋର ବୟସର ପିଲାମାନେ ମୋବାଇଲକୁ ପାଖରେ ରଖି ଶୋଉଛନ୍ତି । ଏହାଦ୍ୱାରା ମୋବାଇଲରୁ ନିର୍ଗତ ହେଉଥିବା ରେଡିଓ ଫ୍ରିକ୍ୱେନ୍ସି ଇଲେକ୍ଟ୍ରୋ- ମ୍ୟାଗ୍ନେଟିକ ବିକିରଣ ଆମର ହାର୍ଟ ଓ ବ୍ରେନ ପାଇଁ କ୍ଷତିକାରକ ହୋଇଥାଏ । ତେଣୁ ଶୋଇବା ସମୟରେ ଅତିକମରେ ୩ ଫୁଟ ଦୂରରେ ମୋବାଇଲକୁ ରଖି ଶୋଇବା ଉଚିତ ।
ମୋବାଇଲକୁ ପାଖରେ ରଖି ଶୋଇବା ଦ୍ୱାରା ମାଂସପେଶୀ ଯନ୍ତ୍ରଣା, ମୁଣ୍ଡବନ୍ଧା, ପ୍ରଜନନ କ୍ଷମତା ଦୁର୍ବଳ ଆଦି ସମସ୍ୟା ଦେଖାଦିଏ । ମୋବାଇଲର ନୀଳ ଆଲୋକ ନିଦ ସୃଷ୍ଟି କରୁଥିବା ହରମୋନର ସନ୍ତୁଳନକୁ ଖରାପ କରିଦିଏ । ଫଳରେ ଶୋଇବାରେ ନାନା ପ୍ରକାରର ସମସ୍ୟା ଦେଖାଦେବା ସହ ବାୟୋଲୋଜିକାଲ କ୍ଲକ୍ ବିଗିଡ଼ିଯାଇଥାଏ । ଏପରିକି ଏହି ବିକିରଣ କ୍ୟାନସରର କାରଣ ବୋଲି ମଧ୍ୟ କୁହାଯାଇଛି ।
Powered by Froala Editor
