ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନିର୍ଦ୍ଦେଶ : ପ୍ରଥମ ଶ୍ରେଣୀରେ ନାମଲେଖା ପାଇଁ ସର୍ବନିମ୍ନ ବୟସ ୬ ବର୍ଷ ଧାର୍ଯ୍ୟ
ପ୍ରଥମ ଶ୍ରେଣୀରେ ନାମଲେଖା ପାଇଁ ସର୍ବନିମ୍ନ ବୟସ ୬ ବର୍ଷ ଧାର୍ଯ୍ୟ କରିବାକୁ ଶିକ୍ଷା ମନ୍ତ୍ରାଳୟ ଦେଶର ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ନିର୍ଦ୍ଦେଶ ଦେଇଛି। ନୂତନ ଜାତୀୟ ଶିକ୍ଷା ନୀତି (ଏନଇପି) ଅନୁଯାୟୀ, ସମସ୍ତ ପିଲାଙ୍କ ପାଇଁ ପାଞ୍ଚ ବର୍ଷର ଶିକ୍ଷଣ ସୁଯୋଗ (୩ରୁ ୮ ବର୍ଷ ମଧ୍ୟରେ) ରହିଛି, ଯେଉଁଥିରେ ତିନି ବର୍ଷର (ପ୍ରି) ପ୍ରାକ୍-ସ୍କୁଲ ଶିକ୍ଷା ଏବଂ ଏହା ପରେ ପ୍ରଥମ ଓ ଦ୍ଵିତୀୟ ଶ୍ରେଣୀ ଅନ୍ତର୍ଭୁକ୍ତ।
ପିଲାଙ୍କ ମାନସିକତା ଓ ମାନସିକ ସ୍ୱାସ୍ଥ୍ୟକୁ ଦୃଷ୍ଟିରେ ରଖି ସେମାନଙ୍କୁ ଖୁବ୍ କମ୍ ବୟସରୁ ସ୍କୁଲକୁ ପଠାଇବା ଅନୁଚିତ ବୋଲି ସୁପ୍ରିମ୍ କୋର୍ଟ ଗତବର୍ଷ କହିଥିଲେ। ମନ୍ତ୍ରାଳୟର ଅଧିକାରୀମାନେ କହିଛନ୍ତି ଯେ ମୂଳ ସ୍ତରରେ ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ଯୋଗ୍ୟ ଶିକ୍ଷକଙ୍କ ଉପଲବ୍ଧତା; ଯେଉଁମାନେ ବୟସ ଏବଂ ବିକାଶମୂଳକ ଉପଯୁକ୍ତ ପାଠ୍ୟକ୍ରମ ଏବଂ ଶିକ୍ଷାଦାନରେ ବିଶେଷ ଭାବରେ ପ୍ରଶିକ୍ଷିତ ଅଟନ୍ତି। ତେଣୁ, ମନ୍ତ୍ରାଳୟ ରାଜ୍ୟଗୁଡ଼ିକୁ ନିଜ ନିଜ ଅଧୀନରେ ଦୁଇ ବର୍ଷିଆ ଡିପ୍ଲୋମା ଇନ୍ ପ୍ରି-ସ୍କୁଲ ଏଜୁକେସନ୍ (ଡିପିଏସ୍ଇ) ପାଠ୍ୟକ୍ରମ ଡିଜାଇନ୍ ଏବଂ ପରିଚାଳନା ପ୍ରକ୍ରିୟା ଆରମ୍ଭ କରିବାକୁ ପରାମର୍ଶ ଦେଇଛି।
Powered by Froala Editor