ସତରେ କ’ଣ ପଚାଶ ପଇସାରେ ମିଳୁଛି ଦୋସା
ପଚାଶ ପଇସାରେ ଏବେ କ’ଣ ମିଳୁଛି । ଏହି ପ୍ରଶ୍ନଟି ଯଦି କାହାକୁ ପଚରାଯିବ, ସେ ଚିନ୍ତାରେ ପଡ଼ିଯିବ । ସତରେ ପଚାଶ ପଇସାରେ କିଛି ତ’ ମିଳୁନି । ଦୋସା ଗୋଟେ ଏତିକି ଦାମରେ ବିକ୍ରି ହେବା ଆଜିର ସମୟରେ ବିଚିତ୍ର ଘଟଣାଟେ ନିଶ୍ଚିତ । ଏହି ପଚାଶ ପଇସାରେ ଦୋସା ୧୯୭୧ରେ ମିଳୁଥିଲା । ଦିଲ୍ଲୀରେ ଥିବା ମୋତି ମହଲ କାଫେଟେରିଆରେ ସେତେବେଳେ ଗୋଟେ ଦୋସାର ଦାମ ୫୦ପଇସା ଓ କପେ କଫିର ମୂଲ୍ୟ ୫୦ପଇସା ଥିଲା । ୫୨ ବର୍ଷ ତଳର ସେଇ କାଫେଟେରିଆର ବିଲକୁ କେହି ଜଣେ ଗ୍ରାହକ ସାମାଜିକ ଗଣ ମଧ୍ୟମରେ ଶେୟାର କରିଛନ୍ତି । ସେ ଯୁଗରେ ୫୦ ପଇସାର ମୂଲ୍ୟ ବି କିଛି କମ୍ ନଥିଲା । ଆଜି ସେଇ କାଫେଟେରିଆରେ ମସଲା ଦୋସାର ଦାମ ୧୫୦ ଟଙ୍କା ଛୁଇଁଲାଣି । କ୍ୟାପେଚିନୋ କଫି କପେର ମୂଲ୍ୟ ୯୦ ଟଙ୍କାରେ ଗ୍ରାହକଙ୍କୁ ମିଳୁଛି ।
Powered by Froala Editor