ଜୀବନକୁ ବାଜି ଲଗାଇ ବ୍ୟାଙ୍କ ଲୁଟେରାଙ୍କୁ ଧରିଲେ ଦୁଇ ମହିଳା ସୁରକ୍ଷାକର୍ମୀ। ଫଳରେ ବଡ ଧରଣର ବ୍ୟାଙ୍କ ଲୁଟ୍ ହେବାରେ ଅଟକି ଯାଇଛି। ଏଭଳି କିଛି ଘଟଣା ଘଟିଛି ବିହାରର ହାଜିପୁର ଅଞ୍ଚଳରେ। ବୁଧବାର ଦିନ ଡକାୟତି କରିବା ଲାଗି ଆସିଥିବା ୩ଜଣ ସଶସ୍ତ୍ର ବ୍ୟକ୍ତିଙ୍କ ସହିତ ମୁକାବିଲା କରି ସେମାନଙ୍କ ଉଦ୍ୟମ ଭଣ୍ଡୁର କରି ଦେଇଛନ୍ତି।

ବିହାର ସଦର ଥାନା ଅଞ୍ଚଳର ସେନ୍ଦୁଆରି ଚୌକ୍‌ରେ ଥିବା ଉତ୍ତର ବିହାର ଗ୍ରାମୀଣ ବ୍ୟାଙ୍କ୍‌ର ପ୍ରବେଶ ପଥରେ କନେଷ୍ଟବଳ ଜୁହି କୁମାରୀ ଓ ଶାନ୍ତି କୁମାର ବସିଥିଲେ। ଏତିକି ବେଳେ ୩ ଜଣ ଲୋକ ବ୍ୟାଙ୍କ ଭିତରେ ପ୍ରବେଶ କରିବାକୁ ଉଦ୍ୟମ କରିଥିଲେ। 

ଏହି ସମୟରେ ୩ ଜଣଙ୍କୁ ଦୁଇ ମହିଳା କନଷ୍ଟେବଳ କାଗଜପତ୍ର ଦେଖାଇବାକୁ କହିଥିଲେ। ଏହାଶୁଣି ତାଙ୍କ ଭତରୁ ଜଣେ ବ୍ୟକ୍ତି ପିସ୍ତଲ ବାହାର କରିଥିଲେ। ଏହା ଦେଖି ତୁରନ୍ତ ଜୁହି ଓ ଶାନ୍ତି ଉଠିପଡି ୩ ଜଣଙ୍କୁ ବ୍ୟାଙ୍କ ଭିତରେ ପ୍ରବେଶ କରିବା ପାଇଁ ଅଟକାଇଥିଲେ । ସେମାନଙ୍କ ମଧ୍ୟରେ ଧସ୍ତାଧସ୍ତି ଚାଲିଲା ବେଳେ ଜୁହି ଆହତ ହୋଇଥିଲେ। ସେତେବେଳକୁ ଭୟଭୀତ ‌ହୋଇଯାଇଥିବା ଡକାୟତମାନେ ବ୍ୟାଙ୍କ୍ ଡକାୟତି ନ କରି ଦୌଡ଼ି ପଳାଇଥିଲେ।

ଶାନ୍ତି କହନ୍ତି, ସେମାନେ ଆମ ରାଇଫଲ୍‌ ଛଡ଼ାଇ ନେବାକୁ ଚେଷ୍ଟା କରିଥିଲେ। କିନ୍ତୁ, ଆମେ ସେମାନଙ୍କୁ ବ୍ୟାଙ୍କ୍‌ ଲୁଟ୍‌ କରାଇ ଦେବୁ ନାହିଁ କି, ଆମ ଅସ୍ତ୍ର ଛାଡ଼ିବୁ ନାହିଁ। ଜୁହି ତା’ର ରାଇଫଲ୍‌ ଉଠାଇ ଗୁଳି ମାରିବାକୁ ଯାଉଥିବା ବେଳେ ସେମାନେ ଧାଇଁ ପଳାଇଗଲେ। ବ୍ୟାଙ୍କ୍‌ ଡକାୟିତ ଉଦ୍ୟମରେ ଲିପ୍ତ ଥିବା ବ୍ୟକ୍ତିଙ୍କର ସନ୍ଧାନ ନିମନ୍ତେ ପୁଲିସ ଅଭିଯାନ ଚଳାଇଥିବା ବେଳେ ଘଟଣାର ତଦନ୍ତ ଆରମ୍ଭ କରିଛି।

Powered by Froala Editor