ଚନ୍ଦ୍ରବାବୁ ନାଇଡୁଙ୍କ ରୋଡ ଶୋ’ରେ ୮ ଟିଡିପି କର୍ମୀଙ୍କ ମୃତ୍ୟୁ
ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ରୋଡ ଶୋ’ରେ ୮ ଟିଡିପି କର୍ମୀଙ୍କ ମୃତ୍ୟୁ ହୋଇଥିବା ବେଳେ ଅନେକ ଆହତ ହୋଇଛନ୍ତି । ସୂଚନାନୁଯାୟୀ, ବୁଧବାର ସନ୍ଧ୍ୟାରେ ଚନ୍ଦ୍ରବାବୁ ନାଇଡୁ ନେଲ୍ଲୋର ଜିଲ୍ଲା କୁନ୍ଦୁକୁରରେ ଏକ ରୋଡ ଶୋ’ କରୁଥିଲେ । ଯେତବେଳେ ଶୋଭଯାତ୍ରା ଗୁଡମ ସିୱେଜ କେନାଲ ପାର କରୁଥିଲା, ସେହି ସମୟରେ ଅନେକ କର୍ମୀ କେନାଲକୁ ଖସିପଡ଼ିଥିଲେ । ତିନି ଜଣ ହିଁ ଘଟଣାସ୍ଥଳରେ ଶ୍ୱାସରୁଦ୍ଧ ହୋଇ ମୃତ୍ୟୁବରଣ କରିଥିଲେ । ଅନ୍ୟ ଦୁଇ ଜଣଙ୍କୁ ହସ୍ପିଟାଲ ନେବା ସମୟରେ ମୃତ୍ୟୁ ହୋଇଯାଇଛି । ସେହିପରି ମେଡିକାଲରେ ଅନ୍ୟ ତିନି ଜଣଙ୍କ ମୃତ୍ୟୁ ହୋଇଛି । ଅନ୍ୟପକ୍ଷରେ ୬ ଜଣଙ୍କ ଚିକିତ୍ସା ଚାଲିଛି, ସେମାନଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା କୁହାଯାଉଛି ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ, ହଜାର ହଜାର ସମର୍ଥକ ଚନ୍ଦ୍ରବାବୁ ନାଇଡୁଙ୍କୁ ସ୍ୱାଗତ କରିବା ପାଇଁ ଏକଜୁଟ ହୋଇଥିଲେ, ସେମାନଙ୍କ ମଧ୍ୟରେ ଠେଲାପେଲା ମଧ୍ୟ ହୋଇଥିଲା । ଏହି ଘଟଣାକୁ ନେଇ ଉତ୍ତେଜନା ପ୍ରକାଶ ପାଇଛି। ମୃତକଙ୍କ ପରିବାରକୁ ୧୦ ଲକ୍ଷ ଟଙ୍କା ସହାୟତା ଓ ପିଲାଙ୍କ ପାଠପଢ଼ା ଦାୟିତ୍ୱ ନେବାକୁ ଘୋଷଣା କରିଛନ୍ତି ଚନ୍ଦ୍ରବାବୁ।
Powered by Froala Editor
