ଭିଡିଓକନ୍ ଚେୟାରମ୍ୟାନଙ୍କୁ ଗିରଫ କଲା ସିବିଆଇ
ICICI ବ୍ୟାଙ୍କ ଋଣ ଠକେଇ ମାମଲାରେ ଭିଡିଓକନ ଚେୟାରମ୍ୟାନ ବେଣୁଗୋପାଳ ଧୂତଙ୍କୁ ଗିରଫ କରିଛି ସିବିଆଇ। ସିବିଆଇ ବେଣୁଗୋପାଳଙ୍କୁ ଗିରଫ କରି ତିନି ଦିନ ରିମାଣ୍ଡରେ ନେଇଛି । ଏହା ପୂର୍ବରୁ ସିବିଆଇ ପୂର୍ବତନ ଏମଡି ଚନ୍ଦା କୋଚର ଓ ତାଙ୍କ ପତି ଦୀପକ କୋଚରଙ୍କୁ ଗିରଫ କରିଥିଲା ସିବିଆଇ ।
୨୦୧୨ରେ ଭିଡିଓକନ ଗୃପକୁ ICICI ବ୍ୟାଙ୍କ ଋଣ ଦିଆଯାଇଥିଲା । ଯାହାକି ପରେ ଏନପିଏ ହୋଇଯାଇଥିଲା । ଏହାପରେ ଏହାକୁ ବ୍ୟାଙ୍କ ଦୁର୍ନିତୀ କୁହାଯାଇଥିଲା । ୨୦୧୨ରେ ଚନ୍ଦା କୋଚରଙ୍କ ନେତୃତ୍ବରେ ICICI ବ୍ୟାଙ୍କ ଭିଡିଓକନ ଗୃପକୁ ୩୨୫୦ କୋଟି ଟଙ୍କା ଋଣ ଦେଇଥିଲା । ଏହାର ୬ ମାସ ପରେ ବେଣୁଗୋପାଳଙ୍କ ମେସର୍ସ ସୁପ୍ରିମ ଏନର୍ଜିକୁ ୬୪ କୋଟି ଟଙ୍କା ଋଣ ଦିଆଯାଇଥିଲା । ଯେଉଁଥିରେ ଦୀପକ କୋଚରଙ୍କ ୫୦ ପ୍ରତିଶତ ଅଂଶୀଦାର ଥିଲା ।
ଅପରାଧିକ ଷଡଯନ୍ତ୍ର ମାମଲାରେ ସିବିଆଇ ତାର ଏତଲାରେ କୋଚର ଦମ୍ପତ୍ତି, ବେଣୁଗୋପାଳ ଧୂତ, ଭିଡିଓକନ୍ ଇଣ୍ଟରନ୍ୟାସନାଲ ଇଲେକ୍ଟ୍ରୋନିକ୍ସ ଲିମିଟେଡ୍ ସୁପ୍ରିମ ଏନର୍ଜିଙ୍କ ନାମ ଉଲ୍ଲେଖ କରଥିଲା। ୫୯ ବର୍ଷୀୟ ଚନ୍ଦା କୋଚର ୨୦୧୮ଅକ୍ଟୋବରରେ ଆଇସିଆଇସିଆଇ ବ୍ୟାଙ୍କର ସିଇଓ ତଥା ପରିଚାଳନା ନିର୍ଦ୍ଦେଶକ ପଦରୁ ଇସ୍ତଫା ଦେଇଥିଲେ।
Powered by Froala Editor