ଭୁବନେଶ୍ୱର: ମୁଖ୍ୟମନ୍ତ୍ରୀଙ୍କ ସହ ସାକ୍ଷାତ ନହେବାରୁ ଯୁବକଙ୍କ ଅଭିନବ ପ୍ରତିବାଦ । ବିଜ୍ଞାପନ ହୋର୍ଡିଂ ଉପରେ ଚଢ଼ି ପ୍ରତିବାଦ ଜଣାଇଲେ ସୁନ୍ଦରଗଡ ଜିଲା ରାଉରକେଲା ନିବାସୀ ମୁକ୍ତିକାନ୍ତ ବିଶ୍ୱାଳ । ଭୁବନେଶ୍ୱରର ଶିଶୁଭବନ ଛକ ହୋର୍ଡିଂ ଉପରେ ଚଢ଼ି ଆତ୍ମହତ୍ୟା ଉଦ୍ୟମ ଚେତାବନୀ ଦେଇଛନ୍ତି ।  ରାଉରକେଲାରେ ବିଭିନ୍ନ ପ୍ରକଳ୍ପ ଦାବି ନେଇ ମୁଖ୍ୟମନ୍ତ୍ରୀଙ୍କ ନିକଟକୁ ମୁକ୍ତିକାନ୍ତ ଗତ କିଛି ଦିନ ହେବ ଆସିଥିବା ବେଳେ ତାଙ୍କୁ ମୁଖ୍ୟମନ୍ତ୍ରୀଙ୍କ ସହ ସାକ୍ଷାତ କରାଇ ଦେଇନଥିବା ଅଭିଯୋଗ ହୋଇଛି । ଫଳରେ ମୁକ୍ତିକାନ୍ତ ଦୀର୍ଘ ୧ଘଣ୍ଟାରୁ ଅଧିକ ସମୟ ହେବ । ବିଜ୍ଞାପନ ହୋର୍ଡିଂ ଉପରେ ଚଢ଼ି ପ୍ରତିବାଦ ଜଣାଇଛନ୍ତି । ମୁକ୍ତିକାନ୍ତଙ୍କୁ ରକ୍ଷା କରିବାକୁ ଘଟଣାସ୍ଥଳରେ ପୁଲିସ ଓ ଅଗ୍ନିଶମ ବାହିନୀ ପହଞ୍ଚିଛନ୍ତି । ହେଲେ ମୁକ୍ତିକାନ୍ତ ତାଙ୍କ ଜିଦରେ ଅଟଳ ଥିବା ଦେଖିବାକୁ ମିଳୁଛି ।

ସୂଚନା ଥାଉ କି  ସୁନ୍ଦରଗଡ ଜିଲା ଅର୍ନ୍ତଗତ ରାଉରକେଲା ନିବାସୀ ମୁକ୍ତିକାନ୍ତ ବିଶ୍ୱାଳଙ୍କୁ ସରକାର ଦେଇଥିବା ପ୍ରତିଶ୍ରୁତି ପୂରଣ କରି ନଥିବାରୁ ପ୍ରତିବାଦରେ ‘ଶ୍ରବଣ କୁମାର’ ଢ଼ଙ୍ଗରେ ପଦଯାତ୍ରାରେ ବାହାରିଥିଲେ ମୁକ୍ତିକାନ୍ତ  । ନଭେମ୍ବର ୧୬ ତାରିଖରୁ ମୁକ୍ତିକାନ୍ତ ରାଉରକେଲାରୁ ଏହି ପଦଯାତ୍ରା ଆରମ୍ଭ କରିଥିବା ବେଳେ ଗତ କିଛି ଦିନ ତଳେ ଆସି ଭୁବନେଶ୍ୱରରେ ପହଞ୍ଚିଥିଲେ ।

Powered by Froala Editor