ଭିଜିଲାନ୍ସ ଜାଲରେ ଫରେଷ୍ଟ ରେଞ୍ଜ ଅଫିସର୍
ଭବାନୀପାଟଣା: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ କଳାହାଣ୍ଡି କେ.ଗାଁ ଫରେଷ୍ଟ ରେଞ୍ଜ ଅଫିସର୍ କେଶବ ମାଝୀଙ୍କ ଘରେ ଆଜି ଭିଜିଲାନ୍ସ ବିଭାଗ ପକ୍ଷରୁ ଚଢ଼ାଉ କରାଯାଇଛି। କେଶବଙ୍କ ଘର ଓ ଅଫିସ ସମେତ ଏକକାଳୀନ ୪ଟି ସ୍ଥାନରେ ଚଢ଼ାଉ କରାଯାଇଛି। କେଶବଙ୍କ କେ. ଗାଁ କାର୍ୟ୍ୟାଳୟ ,କ୍ୱାର୍ଟର୍ସ ଏବଂ ବ୍ରାହ୍ମଣୀସ୍ଥିତ ପୈତୃକ ଘରେ ଏହି ଚଢ଼ାଉ କରାଯାଇଛି।
ସେହିପରି କେଶବଙ୍କ କେସିଙ୍ଗାରେ ଥିବା ତିନି ମହଲା କୋଠା ଘର, ଦାମୀ କାର୍ ଏବଂ ବୁଲେଟ୍ ଠାବ ହୋଇଛି। କୋରାପୁଟ ଓ କଳାହାଣ୍ଡି ଭିଜିଲାନ୍ସ ପକ୍ଷରୁ ମିଳିତ ଚଢ଼ାଉ କରାଯାଇଛି। ଚଢ଼ାଉରେ ୫ ଜଣ ଡିଏସ୍ପି ଓ ୬ ଇନ୍ସପେକ୍ଟର ସାମିଲ ଅଛନ୍ତି ।
କେଶବ ଆୟଠାରୁ ଅଧିକ ସମ୍ପତ୍ତି ଠୁଳ କରିଥିବା ଅଭିଯୋଗ ହୋଇଥିଲା। ଭିଜିଲାନ୍ସ ବିଭାଗ ଏହାର ତଦନ୍ତ କରି ଆଜି ସକାଳେ କେଶବଙ୍କ ଘରେ ଚଢ଼ାଉ କରିଛନ୍ତି। କେଶବଙ୍କୁ ଘରୁ କେତେ ଟଙ୍କାର ସମ୍ପତ୍ତି ଠାବ ହୋଇଛି ଭିଜିଲାନ୍ସ ବିଭାଗ ପକ୍ଷରୁ ସୂଚନା ଦିଆଯାଇ ନାହିଁ।
Powered by Froala Editor
