ବିଜେପି କର୍ମୀଙ୍କୁ ରାହୁଲ ଦେଲେ ଫ୍ଲାଇଙ୍ଗ କିସ୍
ରାହୁଲଙ୍କ ଭାରତ ଯୋଡୋ ବର୍ତମାନ ରାଜସ୍ଥାନରେ ଚାଲିଛି । ମଙ୍ଗଳବାର ସକାଳୁ ବି ରାହୁଲ ପ୍ରତିଦିନ ପରି ଝଲାୱରରେ ତାଙ୍କର ଯାତ୍ରା ଆରମ୍ଭ କରିଥିଲେ। ତେବେ ଭାରତ ଯୋଡୋ ଯାତ୍ରା ସମୟରେ ଏକ ଭିନ୍ନ ଦୃଶ୍ୟ ଦେଖିବାକୁ ମିଳିଥିଲା । ରାହୁଲଙ୍କ ପଦଯାତ୍ରା ବିଜେପି କାର୍ଯ୍ୟାଳୟ ଦେଇ ଯିବା ସମୟରେ ସେଠାରେ ଉପସ୍ଥିତ ବିଜେପି କର୍ମୀଙ୍କୁ ସେ ଫ୍ଲାଇଙ୍ଗ କିସ୍ ଦେବା ସହ ହାତ ହଲାଇ ଥିଲେ ।
ଏହି ସମୟର ଏକ ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ଭିଡିଓଟିକୁ ରାଜସ୍ଥାନ ୟୁଥ୍ କଂଗ୍ରେସର ଟ୍ବିଟର୍ ଆକାଉଣ୍ଟ୍ରେ ସେୟାର କରାଯାଇଛି। ଭିଡିଓରେ ଦେଖିବାକୁ ମିଳିଛି ଯେ ରାହୁଲ କିଛି ସମୟ ପର୍ଯ୍ୟନ୍ତ ସେମାନଙ୍କୁ ଚାହିଁ ଚୁମ୍ବନ ଦେଇ ଚାଲିଛନ୍ତି। ପ୍ରଥମେ ରାହୁଲ ସେମାନଙ୍କୁ ଭାରତ ଯୋଡ଼ ଯାତ୍ରାରେ ସାମିଲ୍ ହେବାରେ ନିମନ୍ତ୍ରଣ ଦେଇଥିଲେ। ସେମାନେ ନଆସିବାରୁ ରାହୁଲ ଫ୍ଲାଇଙ୍ଗ କିସ୍ ଦେଇଥିଲେ।
ଝଲାୱର ହେଉଛି ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେଙ୍କ ଗୃହ ସହର । ଆସନ୍ତା ବର୍ଷ ହେବାକୁ ଥିବା ନିର୍ବାଚନ ପୂର୍ବରୁ ବିଜେପିର ଗଢରେ ରାହୁଲଙ୍କ ଏହି ପଦଯାତ୍ରା ବହୁ ଗୁରୁତ୍ୱ ବହନ କରୁଛି ।
Powered by Froala Editor
