ଘରେ ପଶି ଦୁଷ୍କର୍ମ କଲେ ୩ ପଡୋଶୀ: ସମ୍ବେଦନଶୀଳ ଅଙ୍ଗରେ ସିଗାରେଟ୍ ଚେଙ୍କ ଦେଇ ଧମକାଇଲେ
ମୁମ୍ବାଇରେ ଜଣେ ବିବାହିତାଙ୍କୁ ଅତି ବୀଭତ୍ସ ଭାବେ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ୪୨ ବର୍ଷିୟା ମହିଳାଙ୍କୁ ୩ଜଣ ପଡ଼ୋଶୀ ଘରେ ପଶି ଦୁଷ୍କର୍ମ କରିଛନ୍ତି । ବୁଧବାର ବିଳମ୍ବିତ ରାତିରେ ୩ ପଡ଼ୋଶୀ ମହିଳାଙ୍କ ଘରେ ପଶିଥିଲେ । ପରେ ଦୁଷ୍କର୍ମ କରିବା ସହିତ ଅମାନୁଷିକ ବ୍ୟବହାର କରିଥିଲେ । ମହିଳାଙ୍କ ଶରୀରର ସମ୍ବେଦନଶୀଳ ସ୍ଥାନରେ ସିଗାରେଟ୍ ଚେଙ୍କ୍ ଲଗାଇ ଦେଇଛନ୍ତି । ଏହା ସହିତ ଛାତି ଓ ହାତକୁ ମଧ୍ୟ ଧାରୁଆ ଅସ୍ତ୍ରରେ ଆଘାତ କରିଥିଲେ । ଆଉ ଏହାର ଭିଡିଓ ସୁଟିଂ କରି ପୋଲିସଙ୍କୁ ଜଣାଇଲେ ଦୁଷ୍କର୍ମ ବେଳର ଭିଡିଓ ଭାଇରାଲ୍ କରିବେ ବୋଲି ଧମକ ଦେଇଥିଲେ । ସ୍ବେଚ୍ଛାସେବୀ ସଂଗଠନ ସଦସ୍ୟଙ୍କ ସହାୟତାରେ ମହିଳା ଜଣଙ୍କ ଥାନାରେ ଏତଲା ଦେଇଛନ୍ତି । ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
Powered by Froala Editor
