ଆସୁଛି ବଡ଼ଦିନ, ଏବେଠାରୁ ବଜାରରେ ଗ୍ରାହକ ଭିଡ଼
![ଆସୁଛି ବଡ଼ଦିନ, ଏବେଠାରୁ ବଜାରରେ ଗ୍ରାହକ ଭିଡ଼](https://odishanewslens.com/news_gallery/17938_1669869611.jpg)
ଡ଼ିସେମ୍ବର ୨୫, ବଡ଼ଦିନ । ପୂରା ବିଶ୍ୱରେ ଏହି ପର୍ବଟି ବେଶ ଜାକଜମକରେ ପାଳିତ ହୁଏ । ଗଲା କିଛି ବର୍ଷ ହେବ, ଭାରତରେ ମଧ୍ୟ ବଡ଼ଦିନର ଆସର ଜମୁଛି । ବଡ଼ଦିନ ଆସିବା ପୂର୍ବରୁ ସମସ୍ତେ ଘର ପାଇଁ ସୁନ୍ଦର ଡ଼ିଜାଇନର କପ୍, ଥାଳି, ଗ୍ଲାସ୍ କିଣୁଛନ୍ତି । ଆଗକୁ ନୂଆବର୍ଷ ଆସୁଥିବାରୁ ପରିବାରରେ ଭୋଜିଭାତର ମାହୋଲ ଜମେ । ସେଥିପାଇଁ ସମସ୍ତେ ନୂଆ ନୂଆ ଥାଳିରେ ଅତିଥିଙ୍କୁ ପରଷିବାକୁ ଭଲପାନ୍ତି । ବଡ଼ଦିନ, ନୂଆ ବର୍ଷକୁ ଆଖି ଆଗରେ ରଖି ବଜାରରେ ଏବେଠାରୁ ଗ୍ରାହକ ଭିଡ଼ ଜମାଉଛନ୍ତି । ପାଖାପାଖି ୧୦-୧୫ ପ୍ରକାର ନୂଆ ଡ଼ିଜାଇନ ସିରାମିକ ଥାଳି ଏଥରକ ମୁଖ୍ୟ ଆକର୍ଷଣ ହୋଇଛି ।
- ଲା’ ବାଉଲେ କମ୍ପାନୀର ପୋର୍ସିଲେନ୍ ଥାଳି, ପାତ୍ରର ୧୨ଟି ଓ ୨୪ଟି ସେଟ୍ ବଜାରକୁ ପ୍ରଥମ କରି ଆସିଛି । ଏହି ସେଟର ଦାମ୍ ୨୫ ହଜାର ଟଙ୍କାରୁ ଆରମ୍ଭ ।
- ଅନ୍ୟ ଏକ ବଡ଼ କମ୍ପାନୀ ମାର୍କ ଓ ସ୍ପେନସର ମଧ୍ୟ ବଡ଼ଦିନ ପ୍ରସ୍ତୁତି କରିଛି । ପୂରା ଧଳା ରଙ୍ଗର ଚକଚକିଆ ଥାଳି, ପାତ୍ର ଓ ଗିଲାସର ୩୦ଟି ସେଟ ଦାମ ୪୦ହଜାର ଟଙ୍କା । ଏସବୁ ଅନ୍-ଲାଇନ୍ ସାଇଟରେ ବିକ୍ରି ହେଉଛି ।
- ୟୁରୋପରେ ବସବାସ କରୁଥିବା ଧନିକଙ୍କ ଅତି ପ୍ରିୟ ସୁମି ବ୍ରାଣ୍ଡର ଥାଳି, ପାତ୍ର ମଧ୍ୟ ଏ ବର୍ଷ ପାଇଁ ସ୍ୱତନ୍ତ୍ର ଭାବେ ବଡ଼ଦିନ ଥାଳି, ପାତ୍ର ଡ଼ିଜାଇନ କରିଛି । ଦୁଇବର୍ଷ ପରେ ଲୋକମାନେ ଏଥରକ କଟକଣାମୁକ୍ତ ବଡ଼ଦିନ ପାର୍ଟି କରିବାକୁ ଯାଉଛନ୍ତି । ସେଥିପାଇଁ ସମସ୍ତେ ବିଶେଷ ଭାବେ ପ୍ରସ୍ତୁତି କରିବା ଦରକାର । ଏହି ଅବସରରେ ସୁମି ବ୍ରାଣ୍ଡ ୫ଟି ଡ଼ିଜାଇନର ଥାଳି, ପାତ୍ର ବଜାର ପ୍ରବେଶ କରିଛି । ଏଗୁଡ଼ିକର ଦାମ୍ ଲକ୍ଷେ ଟଙ୍କାରୁ ଆରମ୍ଭ ।
Powered by Froala Editor