ଆମେରିକାର କଲୋରଡୋ ସ୍ପ୍ରିଙ୍ଗ୍ସର ଏକ ସମଲିଙ୍ଗୀ ନାଇଟ୍ କ୍ଲବରେ ଗୁଳିମାଡ଼ ହୋଇଛି। ଯେଉଁଥିରେ ୫ ଜଣକ ମୃତ୍ୟୁ ହୋଇଥିବାବେଳେ ୧୮ ଜଣ ଆହତ ହୋଇଛନ୍ତି। ନ୍ୟୁୟର୍କ ଟାଇମ୍ସର ରପୋର୍ଟ ଅନୁଯାୟୀ କୋଲୋରାଡୋ ସ୍ପ୍ରିଙ୍ଗସ ପୋଲିସ ବିଭାଗର ଅଧିକାରୀ ଲେଫ୍ଟିନାଣ୍ଟ ପାମେଲା କାସ୍ତେ୍ରା କହିଛନ୍ତି ଯେ ଏଲଜିବିଟିକ୍ୟୁ ନାଇଟ କ୍ଲବ୍‌ରେ ଶନିବାର ବିଳମ୍ବିତ ରାତିରେ ଗୁଳିକାଣ୍ଡ ହୋଇଥିଲା। ଗୁଳି ମାଡ଼ ପରରର ଦୃଶ୍ୟ ସାମ୍ନାକୁ ଆସିଛି। ଘଟଣାସ୍ଥଳରେ ବ୍ୟାପକ ପୁଲିସ ମୁତୟନ ହୋଇଥିବା ଚିତ୍ର ଆସିଛି।

ଟ୍ରାନ୍ସଜେଣ୍ଡର ଡେ ଅଫ୍ ରିମେମ୍ବରସ ନାମରେ କ୍ଲବରେ ଏହି କାର୍ଯ୍ୟକ୍ରମ ଆୟୋଜନ ହୋଇଥିଲା ଆଉ ଏଥିରେ ବହୁ ସଂଖ୍ୟାରେ ସମଲିଙ୍ଗୀ ଯୋଗ ଦେଇଥିଲେ। ରିପୋର୍ଟ ଅନୁଯାୟୀ ବନ୍ଧୁକଧାରୀ ଏକ ସ୍ନାଇପର ରାଇଫଲରେ ଗୁଳିଚାଳନା କରିଥିଲେ। ଗୁଳିକାଣ୍ଡ ପରେ ଅଭିଯୁକ୍ତ ଜଣକ ଫେରାର ହୋଇଯାଇଛି। ଗୁଳିମାଡ଼ର ଉଦ୍ଦେଶ୍ୟ ସ୍ପଷ୍ଟ ହୋଇନାହିଁ।

ସୂଚନାଯୋଗ୍ୟ, ଏହା ପୂର୍ବରୁ ମଧ୍ୟ ଆମେରିକାରେ ଏଲ.ଜି.ବି.ଟି.କ୍ୟୁ ସମ୍ପ୍ରଦାୟକୁ ଟାର୍ଗେଟ କରି ଆକ୍ରମଣ କରାଯାଇଛି। ୨୦୧୬ ରେ, ଜଣେ ବନ୍ଧୁକଧାରୀ ଇସଲାମିକ୍ ଷ୍ଟେଟ୍ ଆତଙ୍କବାଦୀ ସମୂହର ପ୍ରତି ନିଷ୍ଠା ଘୋଷଣା କରି ଆରଲାଣ୍ଡୋରେ ଏକ ସମଲିଙ୍ଗୀ ନାଇଟ୍ କ୍ଲବ୍ ଉପରେ ଆକ୍ରମଣ କରିଥିଲା ଏବଂ ୪୯ ଜଣକ ହତ୍ୟା କରିଥିଲା।

Powered by Froala Editor