ରୁଷ-ୟୁକ୍ରେନ ଯୁଦ୍ଧ ଥମିବାର ନାଁ ଧରୁନି। ପ୍ରାୟ ପ୍ରତ୍ୟେକ ଦିନ ଏହାର ଅନେକ ଅଘଟଣ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ବର୍ତ୍ତମାନ ଏକ ଭିଦିଆ ଭାଇରାଲ ହେଉଛି ଯେଉଁଠି ରାସ୍ତାରେ କାର ଯାଉଥିବା ବେଳେ ହଠାତ୍ ଏକ କ୍ଷେପଣାସ୍ତ୍ର ଆସି ପଡ଼ିଲା ଏବଂ ଉପରକୁ ଉଠି ଗଲା କାର।

ଋଷ ୟୁକ୍ରେନ ସହର ଉପରେ ବୋମା ମାଡ କରୁଛି। ଏଥି ସହିତ, ଡନିପ୍ରୋ ସହରର ଏକ ହୃଦୟ ବିଦାରକ ଭିଡିଓ ସାମ୍ନାକୁ ଆସିଛି ଯେଉଁଥିରେ ରାସ୍ତାରେ କିଛି କାର ଦୃଶ୍ୟମାନ ହେଉଛି ଏବଂ ହଠାତ୍ ଏକ କ୍ଷେପଣାସ୍ତ୍ର ଆସି କାର ଉପରେ ପଡ଼ିଲା ପରେ କାର ଜଳି ଯାଉଛି। ୟୁକ୍ରେନ ପ୍ରତିରକ୍ଷା ମନ୍ତ୍ରଣାଳୟର ଟ୍ୱିଟର ହ୍ୟାଣ୍ଡେଲରୁ ଏହାକୁ ସେୟାର କରାଯାଇଛି। ଏହି ଭିଡିଓଟି ଏକ କାର ଭିତରୁ ସୁଟିଂ କରାଯାଇଛି। ଦେଖିବାକୁ ମିଳିଛି ଯେ ଏକ କାର ରାସ୍ତାରେ ଯାଉଛି, ତା’ପରେ ହଠାତ୍ ଏଥିରେ ନିଆଁ ଲାଗିଛି। ସହରରେ ଆତଙ୍କ ଖେଳି ଯାଇଛି।

ଏହି ଭିଡିଓ ସେୟାର କରିବାବେଳେ ୟୁକ୍ରେନର ପ୍ରତିରକ୍ଷା ମନ୍ତ୍ରଣାଳୟ ଲେଖିଛି, ୟୁକ୍ରେନର ଏହା ଡନିପ୍ରୋ ସହର। ତେବେ ୟୁକ୍ରେନର ପ୍ରଥମ ବୈଦେଶିକ ବ୍ୟାପାର ମନ୍ତ୍ରୀ ଇମିନ ଡିଜପର୍ ମଧ୍ୟ ଏହି ଭିଡିଓ ସେୟାର କରି କହିଛନ୍ତି ଯେ ଡନିପ୍ରୋରେ ରୁଷିଆର ଆକ୍ରମଣ ପରେ ୧୫ ବର୍ଷର ବାଳିକା ସମେତ ୧୪ ଜଣ ଆହତ ହୋଇଛନ୍ତି। ତେବେ ଆହତ ବ୍ୟକ୍ତିଙ୍କ ଜୀବନ ବଞ୍ଚାଇବା ପାଇଁ ଡାକ୍ତରମାନେ ସମସ୍ତ ପ୍ରକାର ଚେଷ୍ଟା କରୁଛନ୍ତି। ଗୁରୁବାର ଦିନ ଋଷିଆ ୟୁକ୍ରେନ ଉପରେ ଆକ୍ରମଣ କରିଥିଲା। ଋଷିଆର କ୍ରମାଗତ ଆକ୍ରମଣ ଯୋଗୁଁ ୟୁକ୍ରେନର ଶକ୍ତି ଭିତ୍ତିଭୂମି ଭୁଶୁଡି ପଡିଛି। ସେଠାରେ ଥଣ୍ଡା ଜନିତ ରୋଗ ବୃଦ୍ଧି ପାଇବାରେ ଲାଗିଛି ଓ ପ୍ରଦୂଷଣ ମଧ୍ୟ ବଢ଼ିଛି। ତେବେ ଏହି ଯୁଦ୍ଧ ପାଇଁ ଅନେକ ଧାନ ଜୀବନ ନଷ୍ଟ ହେଲାଣି। ଏହା କେବେ ଶେଷ ହେବ ତାହା କାହାକୁ ଜଣା ନାହିଁ।

Powered by Froala Editor