ଇଲେକ୍ଟ୍ରିକ ସର୍ଟ ସର୍କିଟ : ଜାମିୟା ମସଜିଦ୍ରେ ଭୟଙ୍କର ଅଗ୍ନିକାଣ୍ଡ
![ଇଲେକ୍ଟ୍ରିକ ସର୍ଟ ସର୍କିଟ : ଜାମିୟା ମସଜିଦ୍ରେ ଭୟଙ୍କର ଅଗ୍ନିକାଣ୍ଡ](https://odishanewslens.com/news_gallery/17618_1668629072.jpg)
ଲଦାଖର କାରଗିଲ ଜିଲ୍ଳା ଦ୍ରାସସ୍ଥିତ ସେଣ୍ଟ୍ରାଲ୍ ଜାମିୟା ମସଜିଦ୍ରେ ବୁଧବାର ଭୟଙ୍କର ଅଗ୍ନିକାଣ୍ଡ ଘଟିଛି। ଇଲେକ୍ଟ୍ରିକ ସର୍ଟ ସର୍କିଟ କାରଣରୁ ଏହି ନିଆଁ ଲାଗିଥିବା କୁହାଯାଉଛି ।ଏଥିରେ ମସଜିଦ୍ ସଂପୂର୍ଣ୍ଣ ଭାବରେ କ୍ଷତିଗ୍ରସ୍ତ ହୋଇଛି। ଭାରତୀୟ ସେନା, ପୁଲିସ ଓ ଦମକଳ ବାହିନୀର ସହାୟତାରେ ଏହି ନିଆଁକୁ ଲିଭାଯାଇଥିଲା ।
ଜାମିଆ ମସଜିଦର ଜଣେ ତତ୍ତ୍ୱାବଧାରକ କହିଛନ୍ତି, ” ଦ୍ରାସ୍ ର ଅନ୍ୟତମ ପୁରାତନ ମସଜିଦରେ ଏହି ଅଗ୍ନିକାଣ୍ଡ ଘଟଣା ବିଷୟରେ ଶୁଣି ସେ ଦୁଃଖିତ। ଦ୍ରାସ୍ ଏକ ସମ୍ବେଦନଶୀଳ ଅଞ୍ଚଳ, କିନ୍ତୁ ଅଧିକ ଦୁର୍ଭାଗ୍ୟଜନକ ବିଷୟ ହେଉଛି ଯେ ଏଠାରେ କୌଣସି ଗୋଟିଏ ଅଗ୍ନିଶମ ସେବା ନାହିଁ । ଅତୀତରେ ମଧ୍ୟ ଏପରି ଘଟଣା ଘଟିଛି, କିନ୍ତୁ ପ୍ରଶାସନ ଏଥିପାଇଁ କୌଣସି ପଦକ୍ଷେପ ନେଇନାହିଁ । ତେବେ ପୁଲିସ ପକ୍ଷରୁ ଏହି ଘଟଣାର ତଦନ୍ତ ଆରମ୍ଭ କରାଯାଇଛି । ଏହି ଘଟଣାପଛରେ ଆତଙ୍କବାଦୀଙ୍କ ହାତ ଥିବା ନେଇ ଏପର୍ଯ୍ୟନ୍ତ କୌଣସି ପ୍ରମାଣ ମିଳିନଥିବା ପୁଲିସ କହିଛି ।
Powered by Froala Editor