ରାଜ୍ୟରେ ଖେଳିଛି ଶୀତର ଲହରୀ
ଭୁବନେଶ୍ୱର: ସାରା ରାଜ୍ୟରେ ଏବେ ଶୀତର ଲହରୀ ଖେଳିଛି । ଦିନକୁୁ ଦିନ ଶୀତ ବଢ଼ିବାରେ ଲାଗିଛି । ୨୯ଟି ସ୍ଥାନରେ ପାରଦ ୨୦ ଡ଼ିଗ୍ରୀରୁ ତଳକୁ ଖସିଥିବା ଭୁବନେଶ୍ୱର ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି । ୧୩ ଡ଼ିଗ୍ରୀ ତଳେ ୫ଟି ସ୍ଥାନରେ ତାପମାତ୍ରା ରେକଡର଼୍ କରାଯାଇଛି । ଫୁଲବାଣୀରେ ପ୍ରବଳ ଜାଡ଼ ଅନୁଭୂତ ହେଉଥିବାବେଳେ ଏଠାରେ ପାରଦ ୧୧.୫ ଡିଗ୍ରୀ ରହିଛି । କୋରାପୁଟ ଓ ଦାରିଙ୍ଗବାଡ଼ିରେ ୧୨ ଡିଗ୍ରୀ, ଝାରସୁଗୁଡ଼ା ୧୨.୬ ଡିଗ୍ରୀ ଏବଂ ଭବାନୀପାଟଣାରେ ୧୨.୮ଡିଗ୍ରୀ ରେକଡର଼୍ କରାଯିବା ସହ ଅନେକ ଜିଲ୍ଲାରେ ସକାଳୁ କୁହୁଡ଼ି ଛାଇ ହୋଇଛି ।
ରାଜ୍ୟର ଅନ୍ୟ କେତେକ ସ୍ଥାନରେ ପାରଦ ୨୦ ଡିଗ୍ରୀ ତଳେ ରହିଛି । ସର୍ବନିମ୍ନ ତାପମାତ୍ରାରେ ବିଶେଷ ପରିବର୍ତ୍ତନ ହେବନି । ଆସନ୍ତା ୪ରୁ ୫ ଦିନ ମଧ୍ୟରେ ପାରଦ ୨ରୁ୩ ଡିଗ୍ରୀ ପର୍ଯ୍ୟନ୍ତ ଖସିବା ସମ୍ଭାବନା ରହିଥିବା ପାଣିପାଗ କେନ୍ଦ୍ର ପୂର୍ବାନୁମାନ କରିଛି ।
Powered by Froala Editor
