ଦୀର୍ଘ ସମୟ କାର୍ଯ୍ୟ କରୁଥିଲେ ସାବଧାନ : ଡବ୍ଲୁଏଚ୍ଓ ଦେଲା ଜରୁରୀ ସୂଚନା , ହୋଇପାରେ ହୃଦ୍ରୋଗ ଓ 'ଷ୍ଟ୍ରୋକ୍'
ଅଧିକ ସମୟ ଯାଏ କାମ କରିବା ଶରୀର ପାଇଁ ହାନିକାରକ । ଏ କଥା ସମସ୍ତେ ବେଶ୍ ଜାଣିଥିଲେ ମଧ୍ୟ ଉତ୍ତମ ଜୀବନଶୈଳୀ ଓ ସୁଖ ପାଇଁ ମଣିଷ ଅଧିକ କାର୍ଯ୍ୟ କରିବାକୁ ପ୍ରାଥମିକତା ଦେଉଛନ୍ତି । କିନ୍ତୁ ଏଥିପ୍ରତି ସତର୍କଘଣ୍ଟି ଜାରି କରିଛି ବିଶ୍ବ ସ୍ବାସ୍ଥ୍ୟ ସଂଗଠନ (ଡବ୍ଲୁଏଚ୍ଓ) । ସୀମା ଠାରୁ ଅଧିକ ସମୟ କାର୍ଯ୍ୟ କରିବା କାରଣରୁ ହୃଦ୍ରୋଗ ଓ 'ଷ୍ଟ୍ରୋକ୍' ଜନିତ ମୃତ୍ୟୁ ବୃଦ୍ଧି ପାଉଛି ବୋଲି ବିଶ୍ବ ସ୍ବାସ୍ଥ୍ୟ ସଂଗଠନ ଦାବି କରିଛି।
ବିଶ୍ବ ସ୍ବାସ୍ଥ୍ୟ ସଙ୍ଗଠନର ପରିବେଶ, ଜଳବାୟୁ ପରିବର୍ତ୍ତନ ଏବଂ ସ୍ବାସ୍ଥ୍ୟ ବିଭାଗର ନିର୍ଦେଶିକା ମାରିଆ ନିରା କହିଛନ୍ତି, ସପ୍ତାହକୁ ୫୫ଘଣ୍ଟାରୁ ଅଧିକ ସମୟ କାର୍ଯ୍ୟ କରିବା ସ୍ବାସ୍ଥ୍ୟ ପକ୍ଷେ ହାନିକାରକ। ମୋଟ ଉପରେ, ୧୯୪ ଟି ଦେଶର ତଥ୍ୟ ଉପରେ ଆଧାର କରି କୁହାଯାଇଛି ଯେ ସପ୍ତାହରେ ୫୫ ଘଣ୍ଟା କିମ୍ବା ଅଧିକ କାର୍ଯ୍ୟ କରିବା ଷ୍ଟ୍ରୋକର ହୃଦ୍ ରୋଗରେ ମୃତ୍ୟୁ ହେବାର ଅଧିକ ବିପଦ ରହିଛି। କର୍ମଚାରୀମାନଙ୍କ ହିତ ପାଇଁ ଅଧିକ କାର୍ଯ୍ୟପନ୍ଥା ଏବଂ ଅଧିକ ସୁରକ୍ଷା ଆଦି ପ୍ରସାର ନିମନ୍ତେ ଆମେ ଏହି ସୂଚନା ଜାରି କରିଛୁ।
ଏନ୍ଭର୍ମେଣ୍ଟ ଇଣ୍ଟରନ୍ୟାସନାଲ୍ ପତ୍ରିକାରେ ପ୍ରକାଶିତ ରିପୋର୍ଟ ଅନୁଯାୟୀ ୨୦୧୬ରେ ଦୀର୍ଘ କାର୍ଯ୍ୟ ସମୟ ସହିତ ଜଡିତ ୭୪୫,୦୦୦ ଲୋକ ଷ୍ଟ୍ରୋକ୍ ଏବଂ ହୃଦଘାତରେ ମୃତ୍ୟୁ ବରଣ କରିଛନ୍ତି।
୨୦୦୦ ମସିହାରୁ ଏହି ହାରରେ ପ୍ରାୟ ୩୦ ପ୍ରତିଶତ ବୃଦ୍ଧି ଘଟିଥିବା ଜଣାପଡ଼ିଛି।
ଡବ୍ଲୁଏଚ୍ଓ ଏବଂ ଅନ୍ତର୍ଜାତୀୟ ଶ୍ରମ ସଂଗଠନର ମିଳିତ ଅଧ୍ୟୟନରେ ଦର୍ଶାଯାଇଛି ଯେ, ଅଧିକାଂଶ ପୀଡିତ (୭୨%) ପୁରୁଷ ଏବଂ ମଧ୍ୟବିତ୍ତ କିମ୍ବା ବୟସ୍କ ଥିଲେ। ଏହା ମଧ୍ୟ ଦର୍ଶାଇଛି ଯେ ଚୀନ୍, ଜାପାନ ଏବଂ ଅଷ୍ଟ୍ରେଲିଆରେ ବାସ କରୁଥିବା ଲୋକମାନେ ଏହାଦ୍ବାରା ଅଧିକ ପ୍ରଭାବିତ ହୋଇଛନ୍ତି।
Powered by Froala Editor