କ୍ରିକେଟର-ଟେନିସ ତାରକାଙ୍କ ମଧ୍ୟରେ ଅଭିନେତ୍ରୀ
ନୂଆଦିଲ୍ଲୀ: ଛାଡ଼ପତ୍ରକୁ ନେଇ ବେଶ ଚର୍ଚ୍ଚାରେ ଅଛନ୍ତି ଭାରତୀୟ ମହିଳା ଟେନିସ ତାରକା ସାନିଆ ମିର୍ଜା । ବିବାହର ଦୀର୍ଘ ୧୨ ବର୍ଷ ପରେ ସ୍ୱାମୀ ତଥା ପାକିସ୍ତାନ କ୍ରିକେଟର ସୋଏବ ମଲିକଙ୍କଠାରୁ ସାନିଆ ଅଳଗା ହେବାକୁ ଯାଉଛନ୍ତି । ଏସବୁ ମଧ୍ୟରେ ଏହା ପଛର କାରଣ ଏବେ ସାମ୍ନାକୁ ଆସିଛି । ଜଣେ ପାକିସ୍ତାନୀ ଅଭିନେତ୍ରୀଙ୍କ ସହ ସ୍ୱାମୀଙ୍କ ସମ୍ପର୍କ ପାଇଁ ସାନିଆ ଏଭଳି ନିଷ୍ପତ୍ତି ନେଇଥିବା ଜଣାପଡ଼ିଛି ।
୨୦୨୧ନଭେମ୍ବରରେ ସୋଏବ ଏକ ଫଟୋ ସୁଟ୍ କରୁଥିଲେ । ଏହି ଫଟୋ ସୁଟରେ ତାଙ୍କ ସହିତ ଅଭିନେତ୍ରୀ ଥିଲେ ଆୟଶା ଉମର । ଉଭୟଙ୍କ ଫଟୋ ଓ ପୋଜକୁ ନେଇ ବେଶ ଚର୍ଚ୍ଚା ସୃଷ୍ଟି ହୋଇଥିଲା । ଏବେ ଉକ୍ତ ଫଟୋ ଗୁଡ଼ିକ ଭାଇରାଲ ହେବାରେ ଲାଗିଛି । ଆୟଶାଙ୍କ ପାଇଁ ସାନିଆ ଓ ସୋଏବଙ୍କ ସମ୍ପର୍କ ତୁଟିବାକୁ ଯାଉଛି ବୋଲି ସାଧାରଣରେ ଚର୍ଚ୍ଚା ସୃଷ୍ଟି ହୋଇଛି । ଆୟଶା ଅଭିନେତ୍ରୀ ସହ ଜଣେ ଗାୟିକା ମଧ୍ୟ । ଅନ୍ୟପକ୍ଷରେ ସାନିଆ ଓ ସୋଏବଙ୍କ ମଧ୍ୟରେ ଛାଡ଼ପତ୍ର ବିଧିବଦ୍ଧ ଭାବରେ ଶେଷ ହୋଇଥିବା ନେଇ ସୋଏବଙ୍କର ଜଣେ ଅନ୍ତରଙ୍ଗ ବନ୍ଧୁଙ୍କ ଠାରୁ ସୂଚନା ମିଳିଛି । ସୂଚନାଯୋଗ୍ୟ ଯେ, ସାନିଆ ଓ ସୋଏବଙ୍କ ମଧ୍ୟରେ ୨୦୧୦ ଏପ୍ରିଲରେ ବିବାହ ହୋଇଥିଲା । ତାଙ୍କର ୪ ବର୍ଷର ପୁଅ ଇଜହାନ ରହିଛି ।
Powered by Froala Editor
